LUKA 7:40 - Lai (Hakha) Common Language Bible 2006

⁴⁰ Jesuh nih a hun i thawh i, “Simon, zeilo thil pakhat chimh awk kan ngei,” tiah a ti. Simon nih cun, “Asi, saya, ka chim tuah,” tiah a ti.

Laibaibal Thiang (BSI)

⁴⁰ Jesuh nih, “Simon na sinah chim awk ka ngei,” tiah a ti. Anih nih, “Cawnpiaktu, chim tuah,” tiah a ti.

LUKA 7:40 ပူးပေါင်းရင်းမြစ်များ

1 SIANGPAHRANG 2:14

Cun amah nih cun a thawh i, “Na sinah chim awk zei maw ka ngei,” tiah a ti. Cun anih nih, “Chim ko,” tiah a ti.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

MATTHAI 26:49

Judas nih cun a phak cangka tein Jesuh cu a hei fuh i, “Saya, na cungah daihnak um ko seh,” tiah a ti i a hnamh colh.

MATTHAI 7:22

Cu Ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan ṭhawl hna i khuaruahharnak tampi kan tuah hna,’ an ti lai.

LUKA 18:18

Judah mi haotu pakhat nih a thawh i, “A ṭhami saya, zungzal nunnak hmuh awkah zeidah ka tuah lai?” tiah a ti.

LUKA 5:22

Jesuh nih an ruahnak cu a hngalh hna i, “Zeicahdah cu bantuk thil cu nan ruah?

LUKA 5:31

Jesuh nih a thawh hna i, “A dammi nih sibawi an herh lo, a zawmi lawnglawng nih an herh.

LUKA 6:8

Sihmanhsehlaw Jesuh nih an ruahnak kha a hngalh i a kut a zengmipa cu a thawh i, “Dir law hmaiah hin ra chuak tuah,” tiah a ti. Mipa cu a tho i a dir.

LUKA 7:39

Jesuh rawlhrawn a sawmtu Farasi mi nih khan mah cucu a hmuh tikah a lung chungin, “Hi pa hi profet a si taktak ahcun amah a tawngtu nu hi ahodah a si i zeitluk a sualminu dah a si ti kha a hngalh lai,” tiah a ti.

LUKA 7:41

Jesuh nih cun, “Tangka cawihtupa sinah lei a bami pahnih an um. Pakhat nih ngun tangka za nga a bat i a dang pakhat nih sawm nga a bat.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

JOHAN 16:19

Jesuh nih amah hal an duh kha a hngalh i cucaah annih cu a thawh hna i, “ ‘Hi hnu tlawmpalte ah nan ka hmu lai lo, cun hi hnu tlawmpalte ah nan ka hmuh lai,’ ka timi cu maw nanmah le nanmah nan i ceih lenmi cu a si?

JOHAN 16:30

Nangmah nih zeizong vialte kha na hngalh dih i kherhlai len na hau lo ti kha atu cu kan hngalh cang. Cu nih cun nangmah cu Pathian sinin a rami na si kha a kan zumhter,” an ti.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.