LUKA 7:37 - Lai (Hakha) Common Language Bible 2006

³⁷ Cu khua ah cun a sualminu pakhat a rak um. Farasi mipa inn ah Jesuh cu rawl a hrawng ti kha a theih i cucaah lungrang thawl pakhat a khat tein zihmui a ummi kha a rak i put i

Laibaibal Thiang (BSI)

³⁷ Cun zohhmanh, cu khua i a sual ngaimi minu pakhat nih, Farasih innah rawl ei in a um kha a theih le cângkâ thungrâng dur in a rimhmui mi sathau â rak put,

LUKA 7:37 ပူးပေါင်းရင်းမြစ်များ

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

LUKA 19:7

Cu a hmumi vialte cu an zai i, “Hi pa hi misual mi inn i tlun awkah a kal,” an ti.

LUKA 5:30

Cun Farasi mi tlawmpal hna le anmah bu chung um a simi Phungbia cawnpiaktu saya hna kha Jesuh zultu sinah cun an zai i, “Zeicahdah ngunkhuai khawltu hna le misual mi hna he rawl nan ei ṭi?” an ti.

LUKA 5:32

Sualnak kan ngei lo tiah aa ruatmi hna kha i ngaihchih u ti awkah ka ra lo, misual mi tu kha, i ngaichih u tiin kawh awkah ka ra,” tiah a ti.

LUKA 7:34

Cun Mi Fapa kha a hung chuak ve i a ei a ding i nannih nih nan i thawh i, “Hi pa hi zohhmanh u, misaram le mizuram, ngunkhuai khawltu hna le misual hna kawi a si,’ nan ti.

LUKA 7:36

Farasi mi pakhat nih Jesuh cu zanriah ei ah a sawm. Jesuh cu a inn ah cun a va kal i rawl ei awkah khan an ṭhu.

JOHAN 11:2

(Cu Mary cu Bawipa ke ah zihmui a toih i a sam in a hnawttu kha a si; a zawmi Lazaruh cu amah ṭa cu a si).

JOHAN 9:24

Mitcaw cia in a chuakmipa cu an auh ṭhan i, “Biatak ka chim lai tiah Pathian hmaika ah bia i kam. Hi pa hi misual a si ti kha kan hngalh,” an ti.

JOHAN 9:31

Pathian nih misual cu an bia a ngai hna lo i amah a upatmi le a duhnak a tuahmi kha an bia a ngaihpiak hna ti cu kan hngalh.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

1 PETER 4:18

Cathiang nih a chim bangin, “Mi ṭha ca hmanh ah khamhnak hmuh a har, Cucaah Pathian zei i a rel lomi hna le sualnak a tuahmi hna cu, zeidik an hei lawh te lai.”