LUKA 7:29 - Lai (Hakha) Common Language Bible 2006

²⁹ Mi zapi le ngunkhuai khawltu hna nih khan a bia cu an theih; anmah cu Pathian bia kha a ngai i tipilnak a ingmi cu an si.

Laibaibal Thiang (BSI)

²⁹ Mi vialte nih an theih i ngunkhuai khawltu hna tiangin Pathian kha thiam an coh, Johan Baptisma a rak ing cangmi an si.

LUKA 7:29 ပူးပေါင်းရင်းမြစ်များ

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

MATTHAI 5:46

Zeicahdah an dawtu hna lawng nan dawt hna tikah, Pathian nih laksawng an pek hna lai? Ngunkhuai khawltu hna hmanh nih cucu an tuah ko ṭung.

LUKA 20:6

Minung sinin; kan ti ahcun, hika i a ummi vialte nih hin Johan cu profet a si hrimhrim tiah an zumh caah lung in an kan cheh lai,” an ti.

LUKA 3:12

Ngunkhuai khawltu pawl kha tipil in awkah an ra i, “Saya, kannih hi tah zeidah kan tuah awk a si lai?” tiah an hal.

LUKA 7:28

Kan chimh hna, nu hrinmi fa lakah Johan nakin a ngan deuhmi ahohmanh an um lo, sihmanhsehlaw Pathian Pennak chung i a ummi hna lak i a hme bik hmanh Johan nakcun a ngan deuh,” tiah a ti.

LUKA 7:35

Sihmanhsehlaw Pathian fimnak cu ahmaan taktak ko ti kha a rak cohlangmi vialte nih an langhter,” tiah a ti.

LAMKALTU 18:25

Bawipa Lam kong kha hngal cikcek tein cawnpiakmi a si i Jesuh kong kha lungtho ngaiin a chim i hmaan tein mi kha a cawnpiak hna. Sihmanhsehlaw Johan tipilnak lawnglawng kha a hngalh.

LAMKALTU 19:3

“A si kun ahcun, zei bantuk tipilnak dah nan in kun?” tiah Paul nih cun a hal hna. Annih nih, “Johan tipilnak,” tiah an leh.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 16:5

Ti a uktu vancungmi nih cun, “Hi na tuahmi biaceihnak ah hin na ding ko, maw a Thiang Mi, atu i a um liomi le hlan i a rak um cangmi Pathian!

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.