LUKA 7:22 - Lai (Hakha) Common Language Bible 2006

²² Johan zultu pawl cu a leh hna i, “Va kir u law nan hmuhmi le nan theihmi: mitcaw nih khua an hmuhnak le, kebei nih an kal khawhnak le thinghmuimi nih thiannak an hmuhnak le hnachet nih khua an theihnak le a thimi hna nunter ṭhan an sinak le sifakmi hna sinah Thawngṭha chim a sinak kong kha Johan cu va chim u.

Laibaibal Thiang (BSI)

²² Jesuh nih an sinah, “Va kal ulaw, nan hmuhmi le nan theihmi thil hi Johan cu va chim u; mitcaw nih khua an hmuh i ke beimi ke in an kal, thinghmui mi an thiang i hnachetmi nih thawng an theih, mithi thawhter an si i sifak hna nih Thawngṭha an theih.

LUKA 7:22 ပူးပေါင်းရင်းမြစ်များ

JOB 29:15

Mitcaw hna caah mit ka rak si i, Kebai hna caah ke ka rak si.

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 43:8

Pathian nih aa thawh i, “Ka mi cu biaceihnak hmun ah au hna u. Mit cu an ngei, sihmanhsehlaw khua an hmu lo, hna cu an ngei, sihmanhsehlaw khua an thei lo.

JEREMIAH 31:8

Chaklei ram in ka ratpi hna lai, Vanhramdeng in ka pumh hna lai. Mitcaw le kebei zong an sinah an ra ve lai i Fapawi le a ni thla a tling dengmangmi hna zong an sinah an i tel lai; Miphun ngan piin an ra kir ṭhan lai.

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 21:14

Mitcaw mi le kebei mi kha biakinn chungah cun a sinah khan an ra i a rak damter hna.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

LUKA 7:21

Cu caan lio thengte ah cun Jesuh nih mi tampi kha an zawtnak le an nganfahnak, thlarau ṭhalo nih a tuah hnanak khan a damter hna i mitcaw tampi kha khua a hmuhter hna.

LUKA 7:23

Keimah kong ah lung awṭawm in a um lomi cu an caah lunglawmh awk a va si dah,” tiah a ti.

JOHAN 1:46

Nathanael nih cun a rak i thawh i, “Nazareth khua cun thil ṭha zeital a chuak kho hnga maw?” tiah a ti. Filip nih cun, “Ra law ra zoh hen aw,” tiah a leh.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

LAMKALTU 8:7

Mi tampi chungin khuachia kha aupah in an chuak i a zengmi le a beimi mi tampi kha damnak an hmu.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.