LUKA 7:2 - Lai (Hakha) Common Language Bible 2006

² Cuka i a ummi Rom ralbawi pakhat nih sinum pakhat a ngei i a sinumpa cu a dawt ngaingai; cu pa cu a zaw i a thi dengmang.

Laibaibal Thiang (BSI)

² Ralbawipa sinum pakhat, apu nih a tlaihchan ngaimi kha, thi hnikin a zaw.

LUKA 7:2 ပူးပေါင်းရင်းမြစ်များ

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 35:8

Rebekah umtu Deborah kha a thi i Bethel khua thlang i kuhthing tangah cun an vui. Cucaah “Ṭahnak kuhthing” tiah min an sak.

JOB 31:5

“Lih in rian ṭuannak ah kaa tel lo i hlennak lam kha ka zul lo,” tiah chiat ka ser.

PHUNGTHLÛKBIA 29:21

Na sinum kha a ngakchiat lio in a duhmi paoh na pek ahcun ni khatkhat cu nangmah thil kha an chuh dih te ko lai.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

LUKA 23:47

Cucu ralbawipa nih khan a hmuh i Pathian kha a thangṭhat i; “Hi pa hi a sual hrimhrim lo,” tiah a ti.

LUKA 7:1

Hi bia vialte hi mizapi kha a chimh dih hna in Jesuh cu Kapernaum khua ah khan a kal.

LUKA 7:3

Cu ral bawipa nih Jesuh thawng kha a theih tikah, a sinumpa kha a ra damter nakhnga amah cu va nawl awkah Judah mi upa kha a hei thlah hna.

LUKA 8:42

zeicahtiah fanu pakhat te lawng a ngeihmi, kum hleihnih a simi kha a cat lengmang. Jesuh cu a kal lioah khan mibu nih cun a zual in an zual.

LAMKALTU 10:1

Sisaria khua ah hin mipa pakhat a rak um i a min cu Kornelias a si; amah cu Rom ralkapbu pakhat, “Itali Ralkap Bu” timi a haotu kha a si.

LAMKALTU 10:7

Cun amah sinah bia a chimtu vancungmi kha a kal i Kornelias nih cun a inn chung i a sinum pahnih hna le ralkap pakhat kha a auh hna; ralkappa cu biaknak lei i lungthin a ngei ngaingaimi a si i amah Kornelias a zohkhenhtu hna lak i aa tel vemi pakhat kha a si.

LAMKALTU 22:26

Cu bawi nih cucu a theih tikah ralkapbu haotu sinah cun a va kal i, “Na tuahmi hi zeidah a si ti awk na hngal maw? Hi pa hi Rom mi fawh a si hi!” tiah a ti.

LAMKALTU 23:17

Cun Paul nih ralbawi pakhat kha a kawh i, “Ralkapbu haotu sinah hi tlangvalpa hi hei kalpi tuah, zeilo chimh awk a ngei,” tiah a ti.

LAMKALTU 27:1

Itali ram ah tilawng in nan kal lai tiah bia an kan khiahpiak tikah, Paul le a dang thongtla tlawmpal hna kha Rom ralkap chung i “Siangpahrang Ralkapbu” timi haotu Julias sinah khan an pek hna.

LAMKALTU 27:3

A thaizing ah cun Sidon khua kha kan phan. Julias cu Paul cungah khan a ṭha ngaingai i va kal i a hawikom hna va hmuhtak kha a onh i a herhmi rak pekchanh zong kha a onh hna.

LAMKALTU 27:43

Sihmanhsehlaw ralbawipa nih khan Paul kha khamh a duh caah a thlauh hna. Cucaah aa leuh khomi paoh tikam leiah i leuh u, tiah nawl a pek hna;

KOLOSE 3:22

Salle hna, nan bawile kha zeizong ah an nawl ngai hna u. An mit hmuh lawngah an lungton i zuam loin Bawipa nan hmaizah caah lungthin tak tein an nawl ngai hna u.