LUKA 6:47 - Lai (Hakha) Common Language Bible 2006

⁴⁷ Ka sinah a ra i ka bia a ngai i a zulmi cu zei he dah aa lawh ti kha kan hmuhsak hna lai.

Laibaibal Thiang (BSI)

⁴⁷ Ka sinah a ra i ka bia theiin a nunpimi pauh cu, zeibantuk dah an si kan hngalhter hna lai.

LUKA 6:47 ပူးပေါင်းရင်းမြစ်များ

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

LUKA 6:48

Amah cu inn a sami bantuk a si: thuk piin a cawh i a hram kha lungpi cungah a bunh. Tiva cu a hung lian i inn cu a hun den, sihmanhsehlaw fek tein sak a rak si caah a hninh in a hnin kho lo.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

LUKA 8:8

Cun thlaici a cheu cu vawlei ṭha ah an tla; an hung ṭhang i theifang let za khat cio an vui,” tiah a ti. Hi bia a chim ah hin, “Theihnak hna nan ngeih ahcun thei ko u,” tiah a auhnawh hna.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

JOHAN 14:15

“Nan ka dawt ahcun ka nawlbia kha nan zulh hna lai.

JOHAN 5:40

Sihmanhsehlaw nunnak ngeih awkah keimah sin rat tu cu nan duh lo.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

JOHAN 6:37

Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

JEIM 4:17

Cucaah cun hi a ṭhami thil hi ka tuah awk a si tiah a hngal ko ṭung i a tuah lomi cu misual a si.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

1JOHAN 2:29

Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.