LUKA 6:45 - Lai (Hakha) Common Language Bible 2006

⁴⁵ Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

Laibaibal Thiang (BSI)

⁴⁵ Miṭha nih a lungchung i robawm chungin thilṭha a chuahter tawn i misual nih a lungchung i robawm ṭhalo chungin thilṭha lo a chuahter tawn. Zeitintiah lungthin chungin a liammi cu kâ nih a chim tawn.

LUKA 6:45 ပူးပေါင်းရင်းမြစ်များ

SALM 140:5

Miruamkai pawl nih khan rap an ka chiahhnawh, mihrokhrawl pawl nih khan sur rap cu an chiah i lam ah khan keimah foihnak dingah cun an phah. Selah

SALM 59:12

An kaa chungah sualnak a um an bia cu bia sual lawngte an si; an i porhlawtnak ah cun anmah lila i foih hna seh. Annih cu chiatserhnak bia a chimmi le lihchimmi an si caah

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

PHUNGTHLÛKBIA 12:18

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

PHUNGTHLÛKBIA 15:23

Mipa nih a lehnak kha a lunghmuih ko lai, sihmanhsehlaw a caan he ahmaanmi bia fang khat cu zeitluk in dah a ṭhat deuh!

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

JOHAN 7:38

Cathiang nih, ‘Keimah a ka zummi paoh cu a lung chungin tiva nung an put lai,’ tiah a ti bantuk khan a si lai,” tiah a ti.

LAMKALTU 5:3

Peter nih anih cu a rak thawh i, “Ananias, zeicahdah Satan cu na lung kha na ukter i na lo man ah na hmuhmi tangka a cheu kha naa chiah i Thiang Thlarau sinah lih na chim?

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

JUDAS 1:15

“Zohhmanh, mi vialte kha an bia ceih awk le Pathian zei i a rel lomi misual vialte kha Pathian zeirello in an um ruang i an tuahmi sualnak vialte le Pathian kha zeirello in an thangchiatnak vialte ruang i sualphawt awkah, Bawipa cu a vancungmi mithiang rel cawk lo hna he an ra lai,” a ti.