LUKA 6:41 - Lai (Hakha) Common Language Bible 2006

⁴¹ “Na mit chung i a ummi thingtan kha ruat ṭung loin zeicahdah na unau mit i mithnawm pelte a ummi cu zoh na duh?

Laibaibal Thiang (BSI)

⁴¹ Cun zeiruangahdah na mit i thingtanpi kha zeirel loin, na unau mit chung i hmunthur fate kha biapi ah na ruah?

LUKA 6:41 ပူးပေါင်းရင်းမြစ်များ

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

1 CHANRELNAK 21:6

Sihmanhsehlaw relnak chungah khan Levi mi le Benjamin mi cu a khumh chih hna lo, zeicahtiah a siangpahrang nawl pekmi cu Joab nih khan a duh hrimhrim lo.

SALM 36:2

Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

EZEKIEL 18:28

A sualnak kha an sining tein a hmuh hna i a hnulei a mertak hna ahcun, a nung lai, a thi lai lo.

MATTHAI 7:1

“Pathian nih an soi nakhnga lo, mi va soi hna hlah —

MARKA 8:7

Nga hme tete tlawmpal zong an ngei. Jesuh nih cun nga ca zongah cun lawmhnak bia kha Pathian sinah a chim i a zultu hna cu, phaw hna u, tiah a ti hna.

LUKA 6:40

Siangngakchia cu a saya nakin a ngan deuh lo, sihmanhsehlaw siangngakchia nih a cawnnak kha a dih tikah cun a saya bantuk a si lai.

LUKA 6:42

Na mit chung i a ummi thingtan cu hmu ṭung loin zeitindah na unaupa cu, “Ka nau, na mithnawm kha in cawihpiakning,” na ti khawh? Mi depde. Na mit chung i thingtan kha chuah hmasa law pei na unau hna mit chung i a ummi mithnawm hme tete cu na hmuh khawh lai i na cawih khawh lai cu,” tiah a ti.

JOHAN 8:7

An hal chih lengmang caah ding tein a hung ṭhu i, “Nan lak i sualnak a tuah bal lomi nih chep hmasa bik seh,” tiah a hun ti.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

JEIM 1:24

Ṭha tein aa zoh i a kal i zei ka lo ti kha a philh colh.