LUKA 6:39 - Lai (Hakha) Common Language Bible 2006

³⁹ Cun hi tahchunhnak bia hi Jesuh nih a chimh hna: “Mitcaw nih mitcaw kha lam a ṭhi kho lai lo, a ṭhit a si ahcun an pahnih in hor ah an tla lai.

Laibaibal Thiang (BSI)

³⁹ An sinah, tahchunhnâk a chim, “Mit caw nih mitcaw a hruai kho maw? An pahnihin khor chungah an tla lai lo maw?

LUKA 6:39 ပူးပေါင်းရင်းမြစ်များ

ISAIAH 56:10

A thawh hna i, “Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran.

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

JEREMIAH 6:15

Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

MATTHAI 13:3

Thil tampi a cawnpiak hna i cu cawnpiaknak caah cun tahchunhnak bia a hman hna.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

ROM 2:19

mitcaw lam hruaitu kan si i mui lak i a ummi hna caah ceunak kan si nan ti;

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.