LUKA 6:23 - Lai (Hakha) Common Language Bible 2006

²³ Cu ni ah cun i lawm u law a lam in lam u, zeicahtiah nan caah vancung ah laksawng nganpi chiahpiak nan si. Cu bantuk te cun pei an pupa hna nih khan profet hna kha an rak tuah hna cu.

Laibaibal Thiang (BSI)

²³ I lawm ula, thanuam in zuang u! Ngaihmanh u van ah nan hmuh ding a ngan tuk, nan cung i an tuah bantukin an pupa hna zong nih profet hna cungah an rak tuah cang.

LUKA 6:23 ပူးပေါင်းရင်းမြစ်များ

2 SAMUEL 6:16

Bawipa kuang kha David khua chung i a luh lioah Saul fanu Mikhal nih khan thlalangawng in a hei zoh i Siangpahrang David cu Bawipa hmai i a laam le aa hlawh len ko kha a hei hmuh i a lung chungin a nihsawh.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

1 SIANGPAHRANG 19:14

Anih nih, “Bawipa, ralkapbu Pathian, nangmah, nangmah lawnglawng hi kan ṭanh zungzal; Israel mi tu nih cun nangmah he an biakam kha an hrawh i na biakṭheng kha an hrawh hna i na profet kha an thah hna. Keimah lawnglawng hi ka tang i keimah zong cu thah an ka zalh lengmang,” a ti.

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

2 SIANGPAHRANG 6:31

Cun anih nih, “Shafat fapa Elisha kha nihin ah hin a liang cungah a lu kha a taan rih a si ahcun, Pathian nih cu bantukin le cu nak tam deuh zongin ka cungah tuah ko seh,” tiah a ti.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

ISAIAH 35:6

Kebei cu an pet an lam lai i a holh kho lomi kha lunglawmhnak in a au in an au lai. Thetse ram chungah khan tiva a luang lai;

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

LUKA 1:41

Elizabeth nih Mary i a vun chawnhnak bia kha a theih tikah a paw chung i a fate cu a rak cawl. Elizabeth cu Thiang Thlarau in a khat i,

LUKA 1:44

Na ka biakchawnhnak ka theih cangka khan pei ka chung i ka fate cu lunglawmhnak in aa hlawh len cu.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

LAMKALTU 14:10

aw thangpi in, “Na ke in ding tein dir tuah,” tiah a ti. Mipa cu a hun i hlawk i aa chawk kho ai.

LAMKALTU 3:8

a tho duak i a dir i aa chawk. Cun an sinah cun biakinn chungah khan a lut i aa chawk i a per a choi i Pathian kha a thangṭhat.

LAMKALTU 5:41

Khawngsil pumhnak cun lamkaltu pawl cu an chuak i Jesuh min ruangah Pathian nih ningzah in awk nan i tlak tiah a ruah hna caah an i lawm ngaingai.

ROM 5:3

Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i

2 KORIN 12:10

Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka ṭhawn a rak si.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

HEBRU 11:26

Messiah ruang i nihsawhnak in cu Izipt ram chawhlawn vialte nakin a sung deuh ah a rel i cucu zeicahdah a si tiah, hmailei hmuh laimi laksawng kha a rak i ruah chih caah a si.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:26

Teitu a simi hna le tuah hna seh ti ka duhmi a dongh tiangin a tuahmi hna cu, ka Pa sinin ka hmuhmi nawl ngeihnak kha annih zong ka pek ve hna lai. Miphun dang uknak nawl kha ka pek hna lai i annih cu thirfung in uknak nawl le tlak-um bangin khuainak nawl kha ka pek hna lai. Cun deirel arfi zong kha ka pek hna lai.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.