LUKA 6:22 - Lai (Hakha) Common Language Bible 2006

²² Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

Laibaibal Thiang (BSI)

²² Mi Fapa ruangah mi huat nan ton i an in hlawnh thlet hna i sik nan ton i minchiatnâk nan ton tikah, mithluachuak nan si lai,

LUKA 6:22 ပူးပေါင်းရင်းမြစ်များ

ISAIAH 65:5

Cun midang kha an thawh hna i kannih cu mithiang tuk kan si, kan tawng hlah u, an ti hna. Hi bantuk mi cu a in in ka ing kho hna lo — an cung i ka thinhunnak cu a mit kho lomi mei bantuk a si.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 10:39

Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnak cu a hmuh lai.

LUKA 20:15

Cucaah dum lengah khan an chuah i an thah. Cucaah dum ngeitu nih khan dum rianṭuantu hna kha zeitindah a ti hna lai?

LUKA 21:17

Keimah ruangah mi kip nih an in huat hna lai.

LUKA 6:21

Nannih atu i rawl a ṭammi hna i lawm u, Nan paw a khim lai. Nannih atu i a ṭapmi hna i lawm u, Nan ni lai.

JOHAN 12:42

Cuti a si na cun Judah mi upa tampi nih khan Jesuh cu an zumh; sihmanhsehlaw Farasi pawl hna ruangah khan langhngan in an chim ngam lo, pumhnak inn i ṭhawl lai kha an phang.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

JOHAN 17:14

Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

LAMKALTU 22:22

Hi tiang a chim ah hin cun mizapi nih khan Paul kha an ngaih ko; sihmanhsehlaw an aw reng chuak khan an au ṭhan i, “Kha pa kha hlo ko u. That ko u. A nung ding tlak a si lo,” an ti.

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

1 PETER 3:14

Cun a dingmi thil tuah ruangah temhnak nan in ahcun, nan caah lunglawmh awk a va si thiam dah! Minung kha ṭih hna hlah u, hmailei thil ruah ah nan khuaruah zong har fawn hlah u.