LUKA 6:19 - Lai (Hakha) Common Language Bible 2006

¹⁹ A chungin ṭhawnnak kha a chuah caah mi nih cun an dihlak in amah tawngh kha an i zuam i an dihlak in a damter hna.

Laibaibal Thiang (BSI)

¹⁹ Amah chungin a chuakmi thiltikhawhnâk nih khan a damter hna caah, mi vialte nih amah cu tongh an timh cio.

LUKA 6:19 ပူးပေါင်းရင်းမြစ်များ

2 SIANGPAHRANG 13:21

Cun mipa pakhat an vui lioah khan ramhtu pawl bu khat cu an hmuh hna i mipa cu Elisha thlan chungah an thlak; cun mipa nih Elisha ruh a vun tawngh cangka hna cun a nung ṭhan i a ke in a dir.

MATTHAI 14:36

A zawmi cu na puan tlang tal kha tawnghter ko hna, tiah an nawl i a tawngmi paoh cu an dam dih.

MARKA 3:10

Mi tampi kha a damter hna i a zawmi paoh nih cun amah an tongh khawh nakhnga heh tiah an i zuam.

MARKA 5:30

Jesuh nih a chungin ṭhawnnak a chuah kha chikkhatte ah a hngalh i zapi lakah cun aa mer i, “Ahodah ka puan a tawng?” tiah a ti hna.

MARKA 6:56

Cun Jesuh cu a kalnak kip ah khan, khuate ah siseh, khuapi ah siseh, lo ah siseh, mi nih an mizaw hna cu chawdawrnak hmun ah khan an rak chuahpi cio hna i, a zawmi hna nih hin na puanki tal in tawng hna seh, tiah an nawl; cun a tawngmi paoh cu an dam.

MARKA 8:22

Bethsaida khua kha an phan i Jesuh sinah cun mitcawpa pakhat an ratpi i a rak tawngh nakhnga an nawl.

LUKA 5:17

Ni khat cu Jesuh nih a cawnpiak hna lioah khan Farasi mi tlawmpal hna le Phungbia cawnpiaktu saya hna, Galilee ram le Judea ram khuazakip in le Jerusalem khua in a rami hna kha a pawngah cun an ṭhu. A zawmi damternak ding caah khan Bawipa ṭhawnnak cu Jesuh sinah khan a um.

LUKA 6:18

annih an ratnak cu a bia theih duh le an zawtnak damnak hmuh duh ah a si. Thlarau ṭhalo nih awlok a chonhmi hna zong kha an ra i a damter hna.

LAMKALTU 19:12

A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.