LUKA 5:26 - Lai (Hakha) Common Language Bible 2006

²⁶ An dihlak in an khuaruah a har ko. Ṭihnak in an khat i Pathian cu an thangṭhat i, “Nihin i kan hmuhmi thil cu khuaruahhar an va si dah!” tiah an ti.

Laibaibal Thiang (BSI)

²⁶ An dih lakin mak an ti ngaingai i Pathian thangṭhat in, “Nihin ah thilmak ngai kan hmuh,” tiah an ti i an ṭih ngaingai.

LUKA 5:26 ပူးပေါင်းရင်းမြစ်များ

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

MATTHAI 12:23

Mizapi cu an khuaruah a har i, “Hi pa hi David fapa a si sual hnga maw?” an ti.

MATTHAI 28:8

Cucaah i hnawnam ngaiin thlan khan an kir, an thin a phangpah, an i lawmpah i a zultu hna va chimh awkah khan an le.

MATTHAI 9:8

Cucu mi nih khan an hmuh tikah an thin a phang i cu bantuk nawlngeihnak cu Pathian nih minung kha a pek hna caah Pathian cu an thangṭhat.

MARKA 2:12

An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangṭhat i, “Hi bantuk thil hi zeitikhmanh ah kan hmu bal lo,” tiah an ti.

LUKA 1:65

A innpa hna cu an khuaruah a har i hi thil kong cu Judea ram tlang cung vialte ah khan a thang dih.

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

LUKA 8:37

Cu tikah Gerasa ram i a ummi hna nih cun an ṭih ngaingai caah an zapi in Jesuh cu, kal ko tiah an nawl. Cucaah Jesuh cu lawng chungah khan a lut i a kal.

LAMKALTU 4:21

Biaceihtu hna nih cun fak chinchin in an hro hna i an thlah hna. Mizapi nih thil a hung ummi kongah khan Pathian cu an thangṭhat lulhmalh caah dantat khawhnak lam kha an hmu kho lo.

GALATI 1:24

keimah ruangah cun Pathian kha an thangṭhat.