LUKA 5:25 - Lai (Hakha) Common Language Bible 2006

²⁵ Cun an hmaika ah cun hmakhatte ah a tho i a ihnak ihkhun cu aa cawi i Pathian thangṭhat pah in inn ah a ṭin.

Laibaibal Thiang (BSI)

²⁵ Hmakhatteah an mit hmuh ah a tho cawlh i a ihphah kha la in, Pathian thangṭhat pahin a inah a tlung.

LUKA 5:25 ပူးပေါင်းရင်းမြစ်များ

GENESIS 1:3

Cun Pathian nih, “Ceunak um seh,” tiah a ti i ceunak cu a hung um.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

MATTHAI 9:8

Cucu mi nih khan an hmuh tikah an thin a phang i cu bantuk nawlngeihnak cu Pathian nih minung kha a pek hna caah Pathian cu an thangṭhat.

MARKA 2:12

An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangṭhat i, “Hi bantuk thil hi zeitikhmanh ah kan hmu bal lo,” tiah an ti.

LUKA 13:13

A cungah khan a kut a chuan i cu cangka cun ding tein a dir kho i Pathian kha a thangṭhat.

LUKA 18:43

Hmakhatte ah khua cu a hun hmu kho i Jesuh kha a zulh i Pathian kha a lawmh. Mizapi nih cucu an hmuh tikah Pathian kha an thangṭhat.

LUKA 5:13

Jesuh nih cun a kut a hei samh i a hei tawngh. “Damter kan duh, thiang ko,” tiah a ti. Chikkhatte ah thinghmui zawtnak nih cun a kaltak.

JOHAN 9:24

Mitcaw cia in a chuakmipa cu an auh ṭhan i, “Biatak ka chim lai tiah Pathian hmaika ah bia i kam. Hi pa hi misual a si ti kha kan hngalh,” an ti.