LUKA 5:21 - Lai (Hakha) Common Language Bible 2006

²¹ Cu tikah Phungbia cawnpiaktu saya hna le Farasi mi hna cu anmah le anmah kha, “Pathian a thangchiatmi pa hi ahodah a si? Ahohmanh nih sual thlahpiak khawh a si ṭung lo, Pathian lawng nih pei thlahpiak khawh a si ko cu,” tiah an i ceih.

Laibaibal Thiang (BSI)

²¹ Cun nawlbiacawnpiaktu le Farasih hna nih, “(Pathian)cawhdehnâk bia a chimtu hi mizeidah a si? Pathian dah tilo, ahodah sual a ngai thiam kho? tiah khua an ruat.

LUKA 5:21 ပူးပေါင်းရင်းမြစ်များ

SALM 103:3

Ka sualnak vialte kha a ka ngaihthiam i ka zawtnak vialte kha a ka damter;

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 32:5

Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

SALM 35:5

thli nih a choihmi capawl bantuk si hna seh, Bawipa vancungmi nih a dawimi bantuk si hna seh.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

LEVITIKAS 24:16

Bawipa min a vawlpammi cu thah a si lai; aa pummi vialte nih lung in an cheh lai: mipem a si zongah, laikhat mi a si zongah, Min cu a vawlhpamh ahcun thah a si ko lai, tiah chim hna,” a ti.

MIKAH 7:19

Kan cungah zaangfahnak kha na ngei ṭhan ko rih lai i, Kan ṭhat lonak kha na ṭawl lai i kan sualnak kha a thukmi rili tawne ah na hlonh lai.

MATTHAI 26:65

Cu bia a theih tikah cun Tlangbawi Ngan nih khan a puan kha a thleh i, “Cucu Pathian thangchiat a si. Tehte dang ahohmanh kan herh ti hna lo. Pathian thangchiatnak bia a chimmi cu nanmah nih nan theih ko cang.

MATTHAI 9:3

Cu tikah Phungbia cawnpiaktu saya a cheukhat nih khan, “Hi pa hi Pathian serhsat in bia a chim,” an ti.

LUKA 3:8

Nan nun nan ṭhinh cu nan thil timi ah khan langhter u. ‘Abraham pei a kan hringsortu cu a si tiah,’ ti len hlah u. Pathian nih cun a duh ahcun hi lung hi a lak hna lai i Abraham tefa ah cun a ser khawh ko hna.

LUKA 5:17

Ni khat cu Jesuh nih a cawnpiak hna lioah khan Farasi mi tlawmpal hna le Phungbia cawnpiaktu saya hna, Galilee ram le Judea ram khuazakip in le Jerusalem khua in a rami hna kha a pawngah cun an ṭhu. A zawmi damternak ding caah khan Bawipa ṭhawnnak cu Jesuh sinah khan a um.

LUKA 5:22

Jesuh nih an ruahnak cu a hngalh hna i, “Zeicahdah cu bantuk thil cu nan ruah?

LUKA 7:49

Cabuai i a ṭhu vemi hna nih khan, “Sualnak hmanh a ngaithiamtu hi ahodah a si?” tiah an i ceih.

JOHAN 10:33

Judah mi nih cun, “Lung in cheh kan in duhnak cu thil ṭha ruangah a si lo, Pathian na serhsat ruangah khan a si deuh. Nang cu minung menmen na si ko nain Pathian ah ser naa zal,” an ti.

ROM 8:33

Pathian thimmi cu aho nih dah sual an puh khawh hna lai? Amah Pathian hrimhrim nih pei, nan sual lo, tiah a ti hna cu.