LUKA 5:19 - Lai (Hakha) Common Language Bible 2006

¹⁹ Sihmanhsehlaw mi an tam tuk caah zei ti hmanh in an luhpi kho lo. Cucaah inncung ah an kaipi i inn cihmi lungtlap kha an ṭhial hna hnuah a ihkhun cun mizapi laifang ah cun Jesuh hmaika ah khan an vun thlak.

Laibaibal Thiang (BSI)

¹⁹ Mizapi ruangah luhpi khawhnâk lam a um lo, inn cungah an kaipi i inn cung kha an ṭheh, cu awng ah cun a ihkhun he Jesuh hmai zawnah an vun ṭhumh.

LUKA 5:19 ပူးပေါင်းရင်းမြစ်များ

2 SAMUEL 11:2

Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai.

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

MATTHAI 24:17

A inncung i a ummi cu a innchung i a ummi thilri lak awkah ṭum hlah seh.

MARKA 2:4

Asinain mi an tam tuk caah Jesuh sin kha an phakpi kho lo. Cucaah Jesuh cung zawn inncung kha an baoh i mipa cu a ihphah cung i a ih bu khan an vun thlak.

DEUTERONOMI 22:8

“Inn thar nan sak tikah nan inncung cu tlakdawn in nan kulh lai, cuka cun mi an tlak sual i nan inn cungah thisen chuah mawhnak cu nan tlunter sual nakhnga lo.

1 SAMUEL 9:25

Cun khuahrum bo in khua chungah an run tikah inncung ah Saul cu ihnak a phahpiak i a it.