LUKA 4:5 - Lai (Hakha) Common Language Bible 2006

⁵ Cun Khuachia nih cun a hun kaipi i chikkhatte ah khin vawleicung ram vialte kha a hmuhsak dih.

Laibaibal Thiang (BSI)

⁵ Cun khuachia nih tlâng sângpi ah a kalpi i chikkhatteah vawlei pennâk vialte kha a hmuhsak.

LUKA 4:5 ပူးပေါင်းရင်းမြစ်များ

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 73:19

Chikkhatte ah an rawk i an donghnak cu ṭihnung ngaingai a si.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

MATTHAI 4:8

Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i,

1 KORIN 15:52

muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

1 KORIN 7:31

vawleicung thil a tawngthammi hna nih khan vawleicung thil hi tlamtling in kan tawngtham manh hna lai lo ti bantukin um hna seh. Zeicahtiah vawlei hi atu bang hin cun saupi a um ti lai lo.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

EFESA 6:12

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.