LUKA 4:18 - Lai (Hakha) Common Language Bible 2006

¹⁸ “Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

Laibaibal Thiang (BSI)

¹⁸ BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

LUKA 4:18 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

2 CHANRELNAK 34:27

hi hmun le hi hmun i a ummi hna cung i a bia cu na theih tikah na lung in naa ngaihchih i Bawipa hmaiah na lung na ṭhumh i ka hmaiah na puan na thleh i na ṭah caah, kei zong nih na bia kan theihpiak, tiah Bawipa nih a ti.

SALM 102:20

cu a run cuanh cu thongtla pawl an aihramnak theih awk le thah awk i biaceih cangmi hna luatter awkah a si.

SALM 147:3

Lungkuai mi kha a damter hna i an hma kha a menpiak hna.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 34:18

Lung a dongmi kha Bawipa nih a umpi hna i ruahchannak a ngei lomi kha a khamh hna.

SALM 45:7

a hmaanmi thil ṭha kha na duh i a ṭha lomi thil kha na huat. Cucaah cun Pathian, na Pathian nih khan a rak in thim i midang nakin tam deuh in lunglawmhnak kha an toih.

SALM 51:17

Ka raithawinak cu toidornak lungthin hi a si, maw Pathian, toidornak lungthin le nawl ngaimi lungthin hi na hlaw lai lo.

ISAIAH 32:3

An mi nih an herh an baumi kha hmu lo le thei loin an um lai lo.

ISAIAH 35:5

Mitcaw nih khua an hmuh lai i hnachet nih khua an theih lai.

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

ISAIAH 49:9

Thongtlami cu, ‘Chuak u,’ ka ti hna lai i muihnak chung i a ummi cu, ‘Ceunak ah hung chuak u,’ ka ti hna lai. Annih cu tlang cung i a tlongmi tuu bantuk an si lai;

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

ZEKHARIAH 11:11

Cucaah cu ni ah cun hrawh a si i a ka zohtu, thil cawtu hna nih khan mah hihi Bawipa bia a si kha an hngalh.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 12:18

“Hika i a ummi hi ka thimmi ka sal a si. Ka dawt i a cung i ka lung a tlingmi a si. Amah cungah cun ka Thlarau kha ka chiah lai i miphun vialte hna sinah ka biading kha a thanh hna lai.

MATTHAI 12:20

Dinnak kha teinak ah a phakter hlantiang a kiakmi phaikung kha i hlang koin a khiak lai lo i a mit dengmangmi meiinn kha a hmit lai lo.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

LUKA 4:17

profet Isaiah cazual kha an pek. Cazual cu a vun samh i,

LUKA 6:20

Jesuh nih a zultu kha a zoh hna i a thawh hna i, “Nannih sifakmi hna i lawm u, Pathian Pennak cu nanmah ta a si.

LUKA 7:22

Johan zultu pawl cu a leh hna i, “Va kir u law nan hmuhmi le nan theihmi: mitcaw nih khua an hmuhnak le, kebei nih an kal khawhnak le thinghmuimi nih thiannak an hmuhnak le hnachet nih khua an theihnak le a thimi hna nunter ṭhan an sinak le sifakmi hna sinah Thawngṭha chim a sinak kong kha Johan cu va chim u.

JOHAN 1:41

Andru nih a tuah hmasa bikmi thil cu a u Simon va kawl kha a si i, “Messiah cu kan hmuh cang,” tiah a ti. (Messiah cu Khrih tinak a si).

JOHAN 12:46

Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

LAMKALTU 4:26

Bawipa le a Messiah cu doh awkah vawleicung siangpahrang hna cu an i tim i uktu hna cu an i pum,’ na rak ti.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.