LUKA 4:15 - Lai (Hakha) Common Language Bible 2006

¹⁵ An i pumhnak inn ah khan a cawnpiak hna i a mi kip nih an thangṭhat.

Laibaibal Thiang (BSI)

¹⁵ An sinagog ah a cawnpiak hna i mi vialte nih an thangṭhat.

LUKA 4:15 ပူးပေါင်းရင်းမြစ်များ

ISAIAH 55:5

Atu cu ramdang miphun kha nan auh hna lai; hlanah cun an rak in hngal hna lo, sihmanhsehlaw atu cu nanmah he fonh duh ah a tlik in an ra tli lai. Bawipa nan Pathian, Israel Pathian thiang nih hi vialte cu ka tlinter lai; upatnak le sunparnak kha kan pek lai,” a ti.

MATTHAI 13:54

a rak umnak khua Nazareth khua ah khan a kal. An i pumhnak inn ah khan a cawnpiak hna i a bia a theimi cu an lung a suk ngaingai hna. “Hi bantuk fimnak hi khoika ah dah a vaa lak hnga? Hi bantuk khuaruahhar tuahnak zong hi khuazei in dah a hmuh hnga?

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

MATTHAI 9:35

Cuticun Jesuh cu khuapi he khuate he a tlawng duahmah hna. An pumhnak inn ah khan a cawnpiak hna i Vancung Pennak kong Thawngṭha kha a chimh hna i a zaw a fakmi kip kha a damter hna.

MATTHAI 9:8

Cucu mi nih khan an hmuh tikah an thin a phang i cu bantuk nawlngeihnak cu Pathian nih minung kha a pek hna caah Pathian cu an thangṭhat.

MARKA 1:27

Mizapi cu an khuaruah a har tuk hringhran i, “Mah hihi zeidah a si ee? Cawnpiaknak thar phun khatkhat maw a si? Hi pa nih hin khuavang kha chuak u, a ti hna i an ngaih ko dah ngai” tiah an ti lengmang.

MARKA 1:39

Cucaah Galilee peng kha a tlawn dih i pumhnak inn ah khan phung a chimh hna i khuavang kha a ṭhawl hna.

MARKA 1:45

Sihmanhsehlaw mipa nih cun a kalnak paoh ah khan cu kong cu a chimh hna i tam tuk in a chim caah Jesuh cu khua chungah khan langhngan in a lut kho ti lo. Hmunking tu ah khan a um i cuka ah cun a kenkip khan mi nih an rak fuh.

LUKA 13:10

Sabbath ni ah voi khat cu Jesuh nih pumhnak inn ah a cawnpiak hna.

LUKA 4:16

Jesuh cu a rak tlonlennak Nazareth khua ah khan a va kal i Sabbath ni ah cun hmasa i a rak tuah tawn bantuk khan pumhnak inn ah a kal. Cathiang rel awkah khan a hung dir i