LUKA 4:1 - Lai (Hakha) Common Language Bible 2006

¹ Jesuh cu Thiang Thlarau he khat in Jordan tiva khan a ra kir i Thlarau nih ramcar chungah khan a kalpi.

Laibaibal Thiang (BSI)

¹ Jesuh cu Thiang Thlarau in a khat i Jordan tiva in a rak kir i ramcar ah Thlarau nih a kalpi.

LUKA 4:1 ပူးပေါင်းရင်းမြစ်များ

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

MATTHAI 3:16

Tipilnak a in dih cangka cun Jesuh cu ti chung cun a chuak. Van kha aa hung i Pathian Thlarau cu ṭhuro bantukin a rung zuan i a cung i aa fut kha a hmuh.

LUKA 2:27

Thlarau nih a hruainak thawngin Simeon cu Biakinn chungah cun a lut. Ngakchia Jesuh cu a nu le a pa nih, phung nih tuah awk a si tiah a tining in, Biakinn chungah an run luhpi tikah,

LUKA 3:3

Cucaah Jordan tiva hrawn hrawngah khan Johan cu aa chawk i, “Nan nun ṭhin u law tipilnak ing u. Cun Pathian nih nan sualnak an ngaihthiam hna lai,” a ti hna i

LUKA 3:38

Kainan cu Enosh fapa a si, Enosh cu Seth fapa a si, Seth cu Adam fapa a si, Adam cu Pathian fapa a si.

LUKA 4:14

Cun Jesuh cu Galilee ah khan a ra kir i Thiang Thlarau cu a sinah khan a um. Cuka hrawng vialte cu amah kong kha a thang dih.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

JOHAN 1:32

Cun Johan nih cun, “Vancung in Thlarau cu ṭhuro bantukin a rung ṭum i a cung i aa fut kha ka hmuh.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

LAMKALTU 1:2

a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 8:39

Ti chungin an hung chuah tikah Bawipa Thlarau nih Filip cu lo diam in a lak. Kha bawi nih khan a hmu ṭhan ti lo, sihmanhsehlaw lunglawm ngaiin a kal.