LUKA 24:32 - Lai (Hakha) Common Language Bible 2006

³² Annih nih cun, “Lampi i bia a kan ruah le Cathiang sullam a kan chimh ah khan kan chungah mei kang bang a si lo mei kha?” tiah pakhat le pakhat cu an i ti.

Laibaibal Thiang (BSI)

³² Annih nih, “Lam ah bia a kan ruah i Cathiang a fianter lio ah khan ka lungthin mei bangin a kan kangh len a si lo mei? tiah an i ti.

LUKA 24:32 ပူးပေါင်းရင်းမြစ်များ

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 39:3

ka lungthin cu khuaruahharnak in a khat. Ka ruah deuh paoh ah ka lungretheihnak kha a zual chin,

PHUNGTHLÛKBIA 27:17

Thir nih thir a harter, mi zong nih midang fimnak kha a harter ve.

PHUNGTHLÛKBIA 27:9

Chiti le zihmui nih lung an lawmhter, sihmanhsehlaw harnak nih lungthin kha a cheu a hmal dih tawn.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JEREMIAH 23:29

Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

LUKA 24:45

Cun an lungthin kha a hun pemh hna i Cathiang sullam kha an hun hngalh.

JOHAN 6:63

Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.