LUKA 23:56 - Lai (Hakha) Common Language Bible 2006

⁵⁶ Cun inn ah an ṭin i a ruak caah khan zihmui le sathau kha an timh. Sabbath ni ah cun Nawlbia bangin an i din.

Laibaibal Thiang (BSI)

⁵⁶ Cun an kir ṭhân i rimhmui le rimhmui sathau kha an timhlamh. Cun nawlpêk bangin Sabbath ni ah cun an i din.

LUKA 23:56 ပူးပေါင်းရင်းမြစ်များ

2 CHANRELNAK 16:14

David khua chungah amah nih aa cawhmi thlan ah khan an vui. Zihmui ser thiam hna nih an sermi zihmui phun zakip in a khatmi ruakkuang ah khan an suan; cun amah hmaizahnak ah mei nganpi an tih.

EXODUS 31:14

Cucaah cun dinhnak ni cu nan ca i ni zarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a ṭuanmi paoh cu a phun hawi sinin thlei a si hrimhrim lai.

MARKA 16:1

Sabbath ni kha a dih tikah Mary Magdalin le Jeim nu Mary le Salome nih khan Jesuh ruak thuh awk caah cun zihmui kha an i cawk.

LUKA 24:1

Zarhpi ni zingkate ah nu hna cu zihmui an timhmi kha i put in thlan ah khan an va kal.

DEUTERONOMI 5:14

sihmanhsehlaw ni sarih ni cu Bawipa na Pathian caah sabbath a si; cu ni ah cun nangmah nih siseh, na fapa nih siseh, na fanu nih siseh, na salpa nih siseh, na salnu nih siseh, na cawtum nih siseh, na laa nih siseh, na saṭil zeipaoh nih siseh, na kutka chung i a ummi khual nih siseh, rian zeihmanh nan ṭuan lai lo, zeitintiah na salpa le na salnu hna zong nangmah bangin an i din ve lai.