LUKA 23:26 - Lai (Hakha) Common Language Bible 2006

²⁶ Jesuh cu ralkap nih khan an kalpi i lampi ah khuate lei in khuapi ah a rami Sairin khuami Simon kha an ton. An tlaih i vailam tahnak kha an khinh i Jesuh hnulei khan an zulhter.

Laibaibal Thiang (BSI)

²⁶ Cubangin an kalpi lio ah Sairin khuami Simon khuate lei i cuka hmun i a rami kha an tlaihhrêm i Jesuh hnu lei in putpi awk ah vailam kha a cungah an chuan.

LUKA 23:26 ပူးပေါင်းရင်းမြစ်များ

MATTHAI 5:41

Cun an uktu ralkap hna nih, an thil phorh kha, khan khat an in fial hna ahcun, khan hnih in va phorhpiak hna u.

LUKA 14:27

A vailam tahnak kha aa put i a ka zul lomi cu a ka zultu a si kho lo.

LUKA 23:25

Chuak seh ti an duhmi pa, hnahnawhnak a chuahter ruang le lai a nawn ruang i thong i an thlakmipa kha, a chuahter i Jesuh cu anmah duh paoh in tuah awkah an kut chungah a pek hna.

LUKA 9:23

Cun annih cu an dihlak in a thawh hna i: “Ahohmanh nih zulh nan ka duh ahcun mah zawnruahnak kha nan ngol lai i ni fa tein nan vailam kha nan i put lai i nan ka zulh lai.

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 2:10

Frizia ram hna, Pamfilia ram hna, Izipt ram hna le Libia ram chung i a ummi Sairin khua pawng ram hna in a rami kan si; cun a cheu cu Rom khua in a rami kan si,

LAMKALTU 6:6

Cu hna cu lamkaltu hna sinah khan an hei chuahpi hna i thla an campiak hna i an lu cungah an kut an chuan.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.