LUKA 23:2 - Lai (Hakha) Common Language Bible 2006

² Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

Laibaibal Thiang (BSI)

² Amah sualphawtnâk chim hram an thawk, “Hipa nih kan miphun a hrawk i Sizar sinah ngunkhuai pek a khap, Krih, Siangpahrang ka si tiah a chimmi zong kan theih, tiah sual an puh.

LUKA 23:2 ပူးပေါင်းရင်းမြစ်များ

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

SALM 35:11

Miṭhalo nih sual an ka phawt i ka hngalh hrimhrim lomi sualnak kha an ka puh.

SALM 62:4

Nan duhmi cu upatnak hmun i a ṭhutnak khan ṭhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

MATTHAI 22:21

Cun Jesuh nih cun, “A si ahcun, Siangpahrang cu siangpahrang ta a simi thil kha va pe u law Pathian cu Pathian ta a simi thil kha va pe ko u,” tiah a ti hna.

MATTHAI 27:11

Mangki bawi hmaiah cun Jesuh cu a dir i mangki bawipa nih cun, “Judah siangpahrang cu na si maw? tiah a hal. “Na chim ko cu ta,” tiah Jesuh nih a leh.

MARKA 12:17

Cun Jesuh nih, “A si ahcun, Siangpahrang ta a simi cu Siangpahrang cu va pe ko u, Pathian ta a simi cu Pathian kha va pe ko u,” tiah a ti hna i an ar ṭhup ko.

MARKA 15:2

Pilat nih, “Judah mi siangpahrang cu na si maw?” tiah a hal. Jesuh nih, “Na chim bangin ka si,” tiah a leh.

LUKA 23:14

“Hi pa hi ka sinah nan ratpi i mizapi kha a pingah a hruai hna, nan ti. Atu cu amah kha nan hmaiah ka kher i thil ṭhalo a tuah tiah nan puhmi vialte kha pakhat hmanh a tuah tiah ka hmu kho lo.

LUKA 23:5

Sihmanhsehlaw fak chinchin in an au i, “Hi pa nih hin a cawnpiaknak in mizapi lakah hnahnawhnak a chuahter. Galilee ram in aa thawk i Judea ram vialte kha a cul dih i atu cu hika hi a phan cang,” an ti.

JOHAN 18:29

Cucaah Pilat cu a va chuak i annih cu, “Hi pa hi zei a sual nan ti dah?” a ti hna.

JOHAN 18:30

Annih nih, “Zei a sual lo ah maw na sinah cun kan ratpi hnga,” tiah an leh.

JOHAN 19:12

Cu bia cu Pilat nih a theih tikah Jesuh cu zeitindah ka luatter khawh lai tinak lam kha a kawl. Sihmanhsehlaw Judah mi cu a au in an au i, “Na thlah a si ahcun nang cu Sizar hawi na si lo. Siangpahrang ka si tiah aa timi paoh cu Sizar ral an si,” an ti.

LAMKALTU 24:13

Cu pinah sual an ka phawtmi zong hi ahmaan tiah an ti khawhnak zeihmanh a um lo.

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.