LUKA 22:52 - Lai (Hakha) Common Language Bible 2006

⁵² Cun amah tlaih awkah a rami tlangbawi upa pawl hna le Biakinn cawngtu hna i an bawi pawl hna le upa hna kha a thawh hna i, “Damiah hei si ning law cu bang, zeicahdah vainam le thingtan he nan ka rathnawh?

Laibaibal Thiang (BSI)

⁵² Jesuh nih tlângbawi le, ṭempal uktu le, upa hna sinah, “Damiah tlaih ding bangin, vainam le tanbo he nan rak pawk maw?

LUKA 22:52 ပူးပေါင်းရင်းမြစ်များ

2 SIANGPAHRANG 11:15

Cun tlangbawi Jehoiada nih ralkapbu cung i chiahmi ralkapbu haotu hna kha, “Amah kha zapi lak khan hun chuah u, cun amah a zulmi paoh cu vainam in that hna u,” tiah nawl a pek hna. Zeitintiah tlangbawi nih cun, “Bawipa inn chungah cun thah si hlah seh,” tiah a ti.

MATTHAI 26:47

Bia a chim lengmang lioah cun a zultu hleihnih lak i a rak i tel vemi Judas kha a ra phan. Tlangbawi upa pawl le Judah upa hna nih an thlahmi mi runpi kha nam le thingtan i put in aa ratpi hna.

MATTHAI 26:55

Cun Jesuh nih mibupi cu a thawh hna i, “Kei cu damiah hei si ning law cu bang, zeicahdah tlaih awkah nam le thingtan he nan ka fuh? Nifate in pei Biakinn ah ka ṭhu i kan cawnpiak lengmang ko hna cu, nan ka tlaih ṭung lo.

LUKA 22:37

Zeicahtiah Cathiang nih, ‘Amah cu misual mi hna sinah rel chih a si cang,’ tiah a timi kha ka kong ah hin a tlin awk a si. Ka kong an rak ṭialmi vialte kha a tling cuahmah cang,” tiah a ti.

LUKA 22:4

Cucaah Judas cu a va kal i tlangbawi upa hna le Biakinn cawngtu hna an bawile hna he khan zeitindah Jesuh cu an sinah a chanh khawh lainak ding kha an ceih.

LUKA 22:51

Sihmanhsehlaw, “Hihi cu a za cang,” tiah Jesuh nih a ti. Mipa a hna kha a tawngh i a damter.

LUKA 22:53

Nifate in pei nan sinah Biakinn ah ka um ko cu, tlaih nan ka zalh ṭung lo. Sihmanhsehlaw atu hi cu nanmah le muihnak ṭhawnnak nan caan a si,” tiah a ti hna.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

LAMKALTU 5:26

Cucaah biakinn cawngtu hna bawi cu a mi hna he khan an va kal i lamkaltu cu an ratpi ṭhan hna. Annih nih mizapi nih lung in an kan cheh sual lai ti kha an phan caah thazang cu an hmang ngam lo.