LUKA 22:44 - Lai (Hakha) Common Language Bible 2006

⁴⁴ Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

Laibaibal Thiang (BSI)

⁴⁴ A lung a fak tuk i fak chinchin in thla a cam. Cuticun a thlan cu thi dor nganpi bantukin leiah a tla.

LUKA 22:44 ပူးပေါင်းရင်းမြစ်များ

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ṬAHNAK HLA 1:12

Lam i aa chawkmi hna nan caah, Mah hihi zeihmanhlo maw a si ko? A zoh tal cu ka zohpiak ko sawh u: Ka lungfahnak bantuk lungfahnak hi a um maw? Bawipa nih a thinhun ni ah zaangfahnak um loin dan a ka tatnak hremnak bantuk hi a um ti maw?

LUKA 22:45

A thlacamnak cun a tho i a zultu hna sinah khan a va kir i an rak i hngilh kha a hmuh hna, an lungre a theih tuk ah an ba dih.

JOHAN 12:27

Jesuh nih cun aa thawh i, “Atu hi ka lungre a thei — zeidah ka chim lai? ‘Ka Pa, hi caan hi ka cungah phakter hlah,’ ka ti lai maw? Ka ti lai lo, hi nganfahnak innak caan ton dingah hin pei ka rat cu.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.