LUKA 22:37 - Lai (Hakha) Common Language Bible 2006

³⁷ Zeicahtiah Cathiang nih, ‘Amah cu misual mi hna sinah rel chih a si cang,’ tiah a timi kha ka kong ah hin a tlin awk a si. Ka kong an rak ṭialmi vialte kha a tling cuahmah cang,” tiah a ti.

Laibaibal Thiang (BSI)

³⁷ Zeitintiah kan chimh hna, hi ṭialmi bia hi ka cungah a tling hngami a si. ‘Anih cu misual hna lakah relchih a si timi hi. Cu chimchung bia a tlinnâk ding cu keimah hi ka si,” tiah a ti.

LUKA 22:37 ပူးပေါင်းရင်းမြစ်များ

ISAIAH 53:12

Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

MARKA 15:27

Jesuh sinah cun a orhlei kamah pakhat, a kehlei kamah pakhat, mifir pahnih an tah ve hna.

MARKA 15:28

Cuticun Cathiang nih, “Misual hna sinah telh chih a si,” a timi cu a tling.

LUKA 18:31

Jesuh nih zultu pahleihnih kha a dang tein a kalpi hna i, “Ngai hmanh u, Jerusalem ah kan kal lai i khika ah profet hna nih Mi Fapa kong an ṭialmi paohpaoh kha a tling dih lai.

LUKA 22:22

Pathian nih a khiah cia bantukin Mi Fapa cu a thi lai, sihmanhsehlaw a rawitu caah cun ṭihnung a va si hringhran dah!” tiah a ti.

LUKA 22:36

Cun Jesuh nih, “Sihmanhsehlaw atu cu, phaisa bawm siseh, zal siseh a ngeimi paoh nih i phorh u; cun vainam a ngei lomi paoh nih a angkileng kha zuar seh law pakhat in i cawk seh.

LUKA 22:52

Cun amah tlaih awkah a rami tlangbawi upa pawl hna le Biakinn cawngtu hna i an bawi pawl hna le upa hna kha a thawh hna i, “Damiah hei si ning law cu bang, zeicahdah vainam le thingtan he nan ka rathnawh?

LUKA 23:32

A dang pahnih, misual veve kha, Jesuh sin i thah awkah cun an kalpi ve hna.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

JOHAN 10:35

Pathian nih a bia a pekmi minung hna kha pathian ti an si ahcun — Cathiang cu a palh ti khawh a si lo va si kaw —

JOHAN 17:4

Vawlei cungah na sunparnak cu ka langhter cang; na ka fialmi rian cu ka lim cang.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.