LUKA 21:8 - Lai (Hakha) Common Language Bible 2006

⁸ Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

Laibaibal Thiang (BSI)

⁸ Anih nih, “An in hlen nâkhnga lo i ral ring u. Mitampi nih, ‘Amah cu ka si, an ti lo le, a cân a phân deng cang, tiah keimah min chalh in an ra lai. Cunbantuk mi cu zul hna hlah u.

LUKA 21:8 ပူးပေါင်းရင်းမြစ်များ

JEREMIAH 29:8

Hi bangin Ralkapbu Bawipa, Israel Pathian nih a ti: Nan lak i a ummi profet hna le litin thiam hna kha i hlenter hna hlah u, mangmanh nan fialmi hna mifim kha an bia ngaihpiak hna hlah u.

MATTHAI 24:11

Cun nal profet tampi an chuak lai i mi tampi an hlen hna lai.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 4:17

Cu caan thawk cun Jesuh nih, “Vancung Pennak a nai cang caah, nan sualnak kha mertak cang hna u,” tiah a chimh lengmang hna.

LUKA 17:23

‘Khika lei khi zohhmanh u, hika lei hi zohhmanh u,’ tiah aan timi hna an um lai. Sihmanhsehlaw cu zoh awkah cun va chuak hlah u.

LUKA 21:7

“Saya, zeitik ah dah mah hihi a si lai? Cun a caan a phan cang ti a langhtertu dingah zei hmelchunhnak dah a um lai?” tiah an hal.

LUKA 21:9

Raldohnak le ralthawhnak kong nan theih tikah nan thinphang hlah u; cu bantuk thil cu a um hmasa hrim awk a si, sihmanhsehlaw a donghnak a nai cang tinak a si theng lo,” tiah a ti.

JOHAN 5:43

Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko ṭung lai.

JOHAN 8:24

Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

JOHAN 8:28

Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

2 JOHAN 1:7

Hlengtu tampi, Jesuh Khrih cu minung in a ra lo pei, a titu hna kha vawlei cungah an i chawk. Cu bantuk mi cu mihlengtu kha an si i Khrih Ral kha an si.

BIAPHUAN 1:3

Hi cauk a relmi le hi profet bia a ngai i hi cauk chung i aa ṭialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.