LUKA 21:7 - Lai (Hakha) Common Language Bible 2006

⁷ “Saya, zeitik ah dah mah hihi a si lai? Cun a caan a phan cang ti a langhtertu dingah zei hmelchunhnak dah a um lai?” tiah an hal.

Laibaibal Thiang (BSI)

⁷ Annih nih, “Cawnpiaktu, cu thil cu zeitikahdah a si lai, cuthil a phâk lai i hmelchunhnâk kha zeidah an si lai?” tiah an hal.

LUKA 21:7 ပူးပေါင်းရင်းမြစ်များ

DANIEL 12:6

Cun pakhat nih cun puan hmangṭhia aa aih i tiva a hnalei deuh ah a ummipa cu a hei chawnh i, “Hi hmelchunhnak hna hi an dongh tiangah zei can dah a rauh rih lai,” tiah a hal.

DANIEL 12:8

A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MARKA 13:14

“Sihmanhsehlaw ‘Ṭhiotu Fihnung’ cu a dirnak ding a si lomi hmun ah a dir kha nan hmuh tikah (A reltu nih hi a sullam cu hngal u!) khi tikah Judea ram i a ummi cu tlang leiah nan zam awk a si lai.

LUKA 21:32

“Mah hihi philh hlah u: Hi thil vialte hi atu i a nungmi hna an thih dih hlan ah hin a tlung lai.

LUKA 21:6

Jesuh nih aa thawh i, “Mah hi vialte hi nan hmuh, sihmanhsehlaw hika i lung vialte hi pakhat hmanh an umnak hmun cio i kaltak loin hlonh an si dih lai caan a tlung lai,” tiah a ti.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.