LUKA 21:34 - Lai (Hakha) Common Language Bible 2006

³⁴ “I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

Laibaibal Thiang (BSI)

³⁴ “Asinain nanmah lei ah i ralring u, culoahcun nomhhnaihnâk mên ah, zu le sa he, nunchung khuasak tintuknâk he nan um lioah cu ni nih cun an hlauh sual hna lai.

LUKA 21:34 ပူးပေါင်းရင်းမြစ်များ

GENESIS 19:32

Cucaah cun, ra law, zu kan ritter lai i kan ihpi lai i amah thawng cun fa kan ngei lai,” a ti.

GENESIS 19:35

Cucaah cu zan ah cun zu cu an ritter ṭhan i a ngakchia deuh nih khan a ihpi ve. Cu zan zong cu a rit tuk caah cucu a hngal lo.

GENESIS 27:14

Cucaah cun a va kal i a sinah cun a ratpi hna i a pa nih a duhmi rawl ah khan a chuan hna.

SALM 35:8

Asinain anmah nih an hngalh hlanah rawhnak nih a phanh hna lai i anmah chiahmi rap ah khan an i foih lai, anmah cawhmi khor ah khan an tla lai.

PHUNGTHLÛKBIA 21:4

Miṭhalo cu ruamkainak le porhlawtnak nih a uk hna i hihi sual a si.

PHUNGTHLÛKBIA 23:20

Zuri hna he i kom hlah, sarammi hna he zong i kom hlah;

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

HOSEA 4:11

Zu nih ka mi hna cu a molhter cang hna!

LEVITIKAS 10:9

“Nangmah nih siseh, na fapale hna nih siseh, tonnak thlam chungah nan luh tikah mitsur hang siseh zu siseh nan ding lai lo, nan thih sual nakhnga lo; mah cucu a zungzal in nan tefa hna chan tiangin nawlbia a si lai.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MARKA 4:19

asinain lungretheihnak le rum duhnak le duhnak dangdang kha an hung chuah tikah, kha hna nih khan Pathian bia cu an ṭemṭawn caah, theipar zeihmanh a ngei lomi kha an si.

LUKA 10:41

Bawipa nih cun a leh i, “Martha, Martha, thil tam tuk kong ah na lungre a thei i na ing a puang,

LUKA 12:40

Cucaah nannih zong i ralring ve u, zeicahtiah a ra lai tiah nan zumh lo caan ah khin Mi Fapa cu a ra ko lai,” tiah a ti.

LUKA 17:3

I ralring ko u. “Na unau nih a sual ahcun va mawhchiat, aa ngaihchih ahcun va ngaithiam.

LUKA 21:35

Zeicahtiah cu Ni cu vawlei cung i a ummi vialte hna cungah a tlung dingmi a si.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

LUKA 8:14

Hling lakah a tlami thlaici cu hi mi hna bantuk hi an si: Pathian bia cu an theih nain khuaruahhar vansannak le rumnak le nuamhnak nih a rialdip hna tikah an thei a hmin kho lomi kha an si.

1 KORIN 5:11

ka rak in chimh duhmi hna cu, Khrihfa ka si ve aa ti ṭung i sualnak a tuahmi, a hak a kaumi, siasal a biami, mi congoih a hmangmi, zu a rimi, mifir a simi, hi hna he hin nan i kom lai lo ka ti duhnak a si; cu bantuk mi hna he cun rawl hmanh hmunkhat ah ei ṭi hlah u.

1 KORIN 6:10

mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.

1 SAMUEL 25:36

Cun Abigail cu Nabal sin kha a phan; cun zohhmanh, a inn ah khan siangpahrang puai bantuk puai pakhat a rak tuah. Cun Nabal cu a rak i lawm cuahmah ko, zeicahtiah a ri ngaingai ko; cucaah zinglei khuaceu hlanah cun zeihmanh a chim lo.