LUKA 20:25 - Lai (Hakha) Common Language Bible 2006

²⁵ Annih nih, “Siangpahrang hmai le min a cuang,” tiah an leh. Cucaah Jesuh nih a thawh hna i, “A si ahcun, Siangpahrang ta a simi cu Siangpahrang kha pe ko u, Pathian ta a simi cu Pathian kha pe ko u,” tiah a ti hna.

Laibaibal Thiang (BSI)

²⁵ Anih nih, “Cutiasiah, Sizar ta a simi cu Sizar pe ulaw, Pathian ta cu Pathian pe u,” tiah a ti.

LUKA 20:25 ပူးပေါင်းရင်းမြစ်များ

PHUNGTHLÛKBIA 24:21

Ka fapa, Bawipa le siangpahrang cu ṭih hna, anmah a dohtu hna he khan i kom hlah;

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

MATTHAI 22:21

Cun Jesuh nih cun, “A si ahcun, Siangpahrang cu siangpahrang ta a simi thil kha va pe u law Pathian cu Pathian ta a simi thil kha va pe ko u,” tiah a ti hna.

MARKA 12:17

Cun Jesuh nih, “A si ahcun, Siangpahrang ta a simi cu Siangpahrang cu va pe ko u, Pathian ta a simi cu Pathian kha va pe ko u,” tiah a ti hna i an ar ṭhup ko.

LUKA 20:24

“Ngun tangka phar khat in ka hmuh sak tuah u. Aho hmai le min dah a cuang?” tiah a ti hna.

LAMKALTU 5:29

Peter le lamkaltu dang hna nih cun an leh i, “Minung nakin Pathian nawl kan ngaih deuh awk a si.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.