LUKA 20:22 - Lai (Hakha) Common Language Bible 2006

²² Cucaah cun kan chim tuah, Rom Siangpahrang sin i ngunkhuai pek hi kan Phung he aa ralchanhmi a si maw si lo?” tiah an ti.

Laibaibal Thiang (BSI)

²² “Sizar sin i ngunkhuai kan pêkmi hi phungning a si maw, si lo dah,” tiah an hal.

LUKA 20:22 ပူးပေါင်းရင်းမြစ်များ

EZRA 4:13

Hi khua hi an remh ṭhan i a kulhnak vampang cu an lim hna ahcun, ngunkhuai le thil ngeih man le lam hman man kha an pe duh lai lo i siangpahrang tangka hmuhnak kha an donhkhanh lai ti kha siangpahrang nih rak hngal ko seh.

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

NEHEMIAH 5:4

a cheu nih, “Siangpahrang sin pek awk ngunkhuai ca i tangka kan cawimi biahrennak caah kan lo le kan mitsur dum kha kan hman lengmang cang hna,” an ti.

NEHEMIAH 9:37

A theitlai hna cu, kan sual ruang i kan cung i na chiahmi siangpahrang hna sinah khan a kal dih; an duh duh in kan takpum cung le kan saṭil cung zongah khan nawl an ngei i kannih cu kan re a thei ngaingai ko,’ ” tiah a ti.

MATTHAI 17:25

Peter nih cun, “A pek ko,” tiah a leh hna. Peter cu inn chung i a vung luh ah khan Jesuh nih cun a rak hlehkanh i, “Simon, zeitindah na ruah? Aho nih dah vawlei cung siangpahrang hna hi ram dang thil luh man le ngunkhuai an pek tawn hna? Cuka ram mi hna nih cun maw ramdangmi nih dah?” tiah a hal.

LUKA 20:21

Cu mingiatu hna nih cun Jesuh cu an thawh i, “Saya, na chimmi le na cawnpiaknak hi ahmaan tiah kan hngalh. Ahohmanh an hmai na zoh hlei fawn hna lo, Pathian nih minung caah a herh a timi biatak kha na cawnpiak ko hna.

LUKA 20:23

Sihmanhsehlaw Jesuh nih an zernak cu tleng lakin a rak hmuh ṭung i cucaah cun a thawh hna i,

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

LAMKALTU 5:37

Cun cu pa hnuah cun Galilee mi Judas kha milurel caan ah khan a hung chuak ve; amah zong nih zultu kha a hun ngei tungmang ve, sihmanhsehlaw amah an thah khan a zultu hna cu an i ṭhek dih ṭhan ve ko.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.

DEUTERONOMI 17:15

Bawipa nan Pathian nih a thim laimi cu nan cung i siangpahrang si awkah cun nan chiah lai. Nanmah nan unau hna chungin siangpahrang ah cun pakhat nan i chia lai; nan unau a si lomi, ramdangmi cu nan cungah nan chia lai lo.