LUKA 20:11 - Lai (Hakha) Common Language Bible 2006

¹¹ Cucaah a dang a sal pakhat a hei thlah ṭhan, sihmanhsehlaw hi pa zong cu an rak velh i a lawngin an kirter ṭhiamṭhiam.

Laibaibal Thiang (BSI)

¹¹ Sinum dang a thlah ṭhân i cu zong cu an rak velh ṭhân i ningzak ngai in an rak tuah hnuah kut lawngin an kirter ṭhân.

LUKA 20:11 ပူးပေါင်းရင်းမြစ်များ

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

MARKA 12:4

Cu tikah dum ngeitu nih khan sal dang pakhat a thlah ṭhan; a lu ah an rak tuk i ningzak ngaiin an rak tuah.

LUKA 20:10

Mitsur thei lawh caan kha a phak tikah rianṭuantu pawl sinah khan a sal pakhat a hei thlah i ka covo a si hngami kha ka pe ve u tiah a hei hal hna. Sihmanhsehlaw rianṭuantu hna nih khan a sal cu an rak velh i a lawng in an kirter.

LUKA 20:12

Cun a sal pathumnak kha a hei thlah ṭhan i amah zong cu an rak ṭhuat i an rak ṭhawl.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.