LUKA 20:10 - Lai (Hakha) Common Language Bible 2006

¹⁰ Mitsur thei lawh caan kha a phak tikah rianṭuantu pawl sinah khan a sal pakhat a hei thlah i ka covo a si hngami kha ka pe ve u tiah a hei hal hna. Sihmanhsehlaw rianṭuantu hna nih khan a sal cu an rak velh i a lawng in an kirter.

Laibaibal Thiang (BSI)

¹⁰ A thei lawh cân a zat tikah a covo co awkah dûm congtu hna sinah sinum pakhat a hei thlah. Sihmanhsehlaw dûm congtu nih an rak velh i kut lawngin an kirter.

LUKA 20:10 ပူးပေါင်းရင်းမြစ်များ

1 SIANGPAHRANG 22:24

Khi tikah Khenaanah fapa Zedekiah kha a pawngah a ra i Mikaiah kha a biang ah a bengh i, “Zeitik ah dah Bawipa thlarau cu nangmah sin i bia chim awkah ka sinin a chuah cu a si?” tiah a ti.

2 SIANGPAHRANG 17:13

Sihmanhsehlaw Bawipa nih Israel le Judah cu profet kip le hmutu kip in ralrinnak a pek ṭhiamṭhiam hna i, “A ṭha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti.

1 CHANRELNAK 19:4

Cucaah Hanun nih David sinum hna cu an khahmul a meh hna i an khelbo zawn ah an puan cu a laifang in a tan hna i a kalter hna i an kal.

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 20:2

Jeremiah cu fung in a tuk i hreng a khenh i Bawipa inn chung i Cunglei Benjamin Kutka timi ah khan a chiah.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

JEREMIAH 5:24

Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

LUKA 13:34

“Maw Jerusalem, Jerusalem, profet kha na thah hna i Pathian nih na sinah lamkaltu a rak thlahmi kha lung in na rak cheh hna. Arpi nih a fale cu a thla tangah a huh hna bantukin voi zeizat te dik na chung mi cu ka kut in huh kan timh hna i na duh lo.

LUKA 20:11

Cucaah a dang a sal pakhat a hei thlah ṭhan, sihmanhsehlaw hi pa zong cu an rak velh i a lawngin an kirter ṭhiamṭhiam.

LUKA 20:9

Cun Jesuh nih mizapi cu hi tahchunhnak bia hi a chimh hna. Aa thawh i, “Mipa pakhat nih mitsur dum pakhat a tuah i rianṭuantu hna sinah khan a hlanh i khual a tlawng i saupi a rau.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

ROM 7:4

Cu bantuk cu nannih zong nan si ve, ka naule hna. Nawlbia lei in ti ahcun nannih cu a thimi nan si cang, zeicahtiah Khrih pum chungah nan i tel cang; cun Pathian rian ah santlaimi kan si nakhnga, atu cu thihnak in thawhtermipa ta kha nan si cang.