LUKA 2:7 - Lai (Hakha) Common Language Bible 2006

⁷ Puan in a zual i caw rawl einak kuang chungah khan a thlim — riahnak khualbuk ah khan an caah hmun a um lo.

Laibaibal Thiang (BSI)

⁷ Cun a fater ah pa a hrin i puan in a zual, khualbuk ah an i tlum ti lo caah saṭil rawlpêknâk kuangah a ihter.

LUKA 2:7 ပူးပေါင်းရင်းမြစ်များ

GENESIS 42:27

Zan i an riahnak hmun ah khan ka laa rawl ka pe lai tiah pakhat nih a sawngkhoi kha a vun kau i a kaa ah a tangka kha a hmuh.

GENESIS 43:21

Riah hmun kan phak i kan sawngkhoi kan kau cio tikah kan sawngkhoi kaa ah khan kan tangka kha kan hmuh cio — kan tangka a dihlak tling tein, a rih ning zong a sining tein. Cucu atu ah hin kan rak i phorh ṭhan hna.

SALM 22:6

Sihmanhsehlaw kei cu minung ka si ti lo, cangcel ka si ko cang; mi vialte nih an ka serhsat i an ka nihsawh.

EXODUS 4:24

Lampi i an riahnak hmun pakhat ah Bawipa nih Moses kha a ton i thah a zalh.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

MATTHAI 1:25

Sihmanhsehlaw fa a hrin hlantiang, nu le va an si lo. Fapa a hrinmi cu Jesuh tiah Josef nih a sak.

MATTHAI 13:55

Lehtamapa fapa kha a si ko lo maw? A nu kha Mary hi a si ko lo maw? A naule kha Jeim le Josef le Simon le Judas hi an si lo maw?

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

LUKA 10:34

A hei fuh i a hma ah cun chiti le mitsur hang kha a thuh hna i a men hna; cun mipa cu a saṭil cungah khan a chuan i khual riahnak inn pakhat ah a kalpi i cuka ah cun a zohkhenh.

LUKA 2:6

Khika i an um lioah khan a hrin caan kha a phan, fapate kha a hrin i cucu a fater a si.

LUKA 2:8

Cuka hrawngah cun, an tuurun a zohkhenh i ramlak i a riakmi tuukhal hna kha an um.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,