LUKA 2:47 - Lai (Hakha) Common Language Bible 2006

⁴⁷ A bia a theimi paoh cu a fimning le a bia lehning ah khan an khuahruah a har.

Laibaibal Thiang (BSI)

⁴⁷ A fimning le biahalnâk leh a thiamning kha an khuaruah a har dih.

LUKA 2:47 ပူးပေါင်းရင်းမြစ်များ

SALM 119:99

Na cawnpiaknak kha ka ruah hna caah, ka sayate vialte nakin ka hngal deuh.

MATTHAI 13:54

a rak umnak khua Nazareth khua ah khan a kal. An i pumhnak inn ah khan a cawnpiak hna i a bia a theimi cu an lung a suk ngaingai hna. “Hi bantuk fimnak hi khoika ah dah a vaa lak hnga? Hi bantuk khuaruahhar tuahnak zong hi khuazei in dah a hmuh hnga?

MATTHAI 22:33

Cucu an theih tikah mizapi cu a cawnpiakmi hna kha an khuaruah a har.

MATTHAI 7:28

Jesuh nih hi bia vialte cu a chimh dih hna tikah mizapi cu a cawnpiak hna ning kha an khuaruah a har,

MARKA 1:22

Phungbia cawnpiaktu saya pawl nih an cawnpiak hna bantuk khan si loin hmual ngei ngaiin a cawnpiak hna caah an khuaruah a har.

MARKA 11:18

Tlangbawi upa hna le Phungbia cawnpiaktu saya hna nih khan cucu an theih i cucaah amah thahnak dingah khan lam an kawl. Mizapi cu an dihlak in a cawnpiaknak nih khan an lung a ton tuk hna caah tlangbawi le saya pawl nih khan amah cu an ṭih.

MARKA 6:2

Sabbath ni ah khan pumhnak inn ah cun a cawnpiak hna. Aa pummi cu an tam ngaingai i a chimmi an theih tikah khan an khuaruah a har dih. “Hi vialte hi khuazei ah dah a va hmuh hnga? Hi bantuk fimnak hi zeitindah a va hmuh hnga? Zeitindah hi khuaruahharnak hna hi a tuah khawh hna hnga!

LUKA 2:18

Tuukhal pawl nih an chimmi a theimi paoh cu an khuaruah a har dih.

LUKA 2:46

A ni thumnak ni ah Biakinn chungah khan an va hmuh i cawnpiaktu Judah mi hna sinah khan a rak ṭhu i an bia kha a rak ngai i bia a rak hal len ve ko hna.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

LUKA 4:32

A cawnpiakning hna kha an khuaruah a har, zeicahtiah a bia cu hmual a ngei ngaingai.

JOHAN 7:15

Judah upa pawl cu an khuaruah a har i, “Hi pa hi sianginn ah a kai bal ṭung lo, zeitindah hi zatzat hi a hngalh hnga?” an ti.

JOHAN 7:46

“Hi pa bantuk hin ahohmanh nih bia an chim bal lo,” tiah an leh hna.