LUKA 2:4 - Lai (Hakha) Common Language Bible 2006

⁴ Josef cu Galilee ram i Nazareth khua in Judea ram i Bethlehem khua an timi, Siangpahrang David chuahnak khua ah khan a kal. Josef kha khika i a kalnak cu amah kha David hrinsor a si caah a si.

Laibaibal Thiang (BSI)

⁴ Josef zong David hrinthlak le chungkhar a si caah Galili ram Nazaret khua in Judia ram Bethlehem, David khua ah

LUKA 2:4 ပူးပေါင်းရင်းမြစ်များ

GENESIS 35:19

Rachel cu a thi i Efrath lei kalnak lam ah khan an vui. Efrath cu Bethlehem ti a si cang.

GENESIS 48:7

Zeicahdah hi bantukin ka tuah ti ahcun Mesopotamia ram in ka ra kir lioah keimah ngaihchiattertu dingah na nu Rachel nih lampi ah Kanaan ram chung Efrath khua kan hei phak deng ah khan a ka thihtak caah a si. Cun amah cu Efrath lei kalnak lam ah cun ka vui,” tiah a ti. (Efrath cu Bethlehem a si).

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MATTHAI 1:20

Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

MATTHAI 2:23

Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.

LUKA 2:3

Cucaah min i thlak awkah a mi paohpaoh in anmahle an khua cio ah khan an kal.

LUKA 2:5

Cun minthlak awk i a kal ah khan a hammi Mary kha a sinah aa kalpi. A nithla kha a tling dengmang i

LUKA 4:16

Jesuh cu a rak tlonlennak Nazareth khua ah khan a va kal i Sabbath ni ah cun hmasa i a rak tuah tawn bantuk khan pumhnak inn ah a kal. Cathiang rel awkah khan a hung dir i

JOHAN 1:46

Nathanael nih cun a rak i thawh i, “Nazareth khua cun thil ṭha zeital a chuak kho hnga maw?” tiah a ti. Filip nih cun, “Ra law ra zoh hen aw,” tiah a leh.

JOHAN 7:42

Cathiang nih pei Messiah cu David tefa a si lai i David khua Bethlehem ah a chuak lai, a ti kha,” an ti.

RUTH 1:19

Cucaah Bethlehem tiangin an pahnih in an kal. Cun Bethlehem an phak tikah anmah ruangah an khuapi in an i tuai ur i nu hna nih cun, “Mah hihi Naomi kha a si maw?” tiah an ti.

RUTH 2:4

Cun zohhmanh, Boaz cu Bethlehem in a ra i rawlṭuantu hna sinah cun, “Bawipa cu nan sinah um ko seh,” tiah a ti. Cun annih nih, “Bawipa nih thluachuah in pe ko seh,” tiah an leh.

RUTH 4:11

Cun hauka ah a ummi vialte le upa hna nih khan, “Hngaltu kan si. Na inn chungah a ra ding minu cu, Rachel le Leah, Israel innchungkhar a dirhtu pahnih hna bantuk ah khan Bawipa nih ser ko seh. Efrathah ah hin khua awng tong law, Bethlehem ah na min thang ko seh;

RUTH 4:17

Cun innpa nu pawl nih khan min an sak i, “Naomi caah fapa a chuak,” tiah an ti. Obed tiah min an sak; amah cu David pa Jesse i a pa a si.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:4

Bawipa nih nawl a pekmi cu Samuel nih a tuah i Bethlehem khua ah khan a ra. Cu khua upa hna nih amah cu ton awkah khan ther lengmang in an ra i, “Daihnak lei ca i a rami na si maw?” tiah an ti.

1 SAMUEL 17:12

Cun David cu Bethlehem khua i Jesse fapa a si. Jesse cu Efrath chung a si i fapa pariat a ngei. Saul chan ah khan cu pa cu a tar cang i a kum a upa cang.

1 SAMUEL 17:58

Cun Saul nih a sinah, “Aho fapa dah na si, tlangvalpa?” tiah a ti. Cun David nih, “Bethlehem khuami na sal Jesse fapa ka si,” tiah a leh.

1 SAMUEL 20:6

Cun na pa nih a ka hlam pingpang sual ahcun, nangmah nih, ‘David nih an chungkhar dihlak ca i kum fate an ngeih tawnmi raithawinak kha Bethlehem khua ah a um caah, cu amah khua Bethlehem i va kal ta duak awk kha, hramhram in a ka nawl,’ tiah na ti lai.