LUKA 2:25 - Lai (Hakha) Common Language Bible 2006

²⁵ Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i

Laibaibal Thiang (BSI)

²⁵ Cun ngaihmanh, Jerusalem khua ah mi pakhat, a min Simeon a um, cupa cu mi dik le Pathian a tlaihchanmi a si i Israel Hnangamtertu ding kha a rak hngak pengtu a si, a cungah Thiang Thlarau a um,

LUKA 2:25 ပူးပေါင်းရင်းမြစ်များ

GENESIS 6:9

Noah tefa hna cu hihi an si: fapa pathum a ngeih hna, Shem, Ham le Jafeth an si. Noah cu miṭha a si i amah lawnglawng kha cu caan ah cun Pathian lung a tongmi a si; Pathian he i hawikomh in a nungmi a si.

JOB 1:1

Uz ram ah hin mipa pakhat a min Job a simi a rak um; cu pa cu soisel awk um lo, miding, Pathian a ṭih i ṭhat lonak kha a hrialmi a si.

JOB 1:8

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo,” tiah a ti.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ISAIAH 40:1

“Hnem tuah hna u, ka mi hna cu hnem tuah hna u,” tiah nan Pathian nih a ti.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

NAMBAR 11:25

Cu tikah Bawipa cu minmei khan a rung ṭum i amah cu a chawnh i amah cung i a ummi thlarau kha tlawmpal in a lak i upa sawm sarih cungah khan a chiah; cun thlarau nih annih cungah a um tikah annih nih bia an chim cukmak. Sihmanhsehlaw cu bantuk cun an tuah ṭhan ti lo.

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

MARKA 15:43

Amah cu biaceihtu bu chung i an upatmi pakhat a si ve i Pathian Pennak a rat lainak aa ruahchihmi a si. Cu ni cu cawnningani a si (cucu Sabbath ni a nizan kha a si). Cucaah Josef cu ralṭha ngaiin Pilat sinah khan a vung lut i Jesuh ruak kha a hal.

LUKA 1:41

Elizabeth nih Mary i a vun chawnhnak bia kha a theih tikah a paw chung i a fate cu a rak cawl. Elizabeth cu Thiang Thlarau in a khat i,

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LUKA 1:67

A pa Zekhariah cu Thiang Thlarau in a khat i, Pathian bia kha a chim:

LUKA 2:38

Amah zong cu, cu caan te ah cun a ra ve i Pathian cu a thangṭhat i Pathian nih Jerusalem cu a tlanh ṭhan lai tiah a hngakmi vialte hna sinah khan ngakchiapa kong kha a chim.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

LAMKALTU 2:5

Cun Jerusalem khua chungah vawleicung khuazakip in a rami Judah mi an um liote kha a si; cu hna cu biaknak lei i aa zuam ngaingaimi pawl kha an si.

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

DEUTERONOMI 18:15

“Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai,

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.