LUKA 19:38 - Lai (Hakha) Common Language Bible 2006

³⁸ “Bawipa min in a rami siangpahrang cu Pathian nih thluachuahnak pe ko seh. Vancung ah daihnak um seh law, Pathian cu sunparnak pek si ko seh,” tiah an au.

Laibaibal Thiang (BSI)

³⁸ “BAWIPA min i a rami Siangpahrang cu thangṭhat in um seh! vanah daihnâk umseh law, cungnungbik ah thangṭhat siseh,” tiah an ti.

LUKA 19:38 ပူးပေါင်းရင်းမြစ်များ

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 2:2

“Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun atu hi kan ra,” an ti.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

LUKA 13:35

Zohhmanh, na biakinn cu Pathian nih a hlawt cang. Cun hihi kan chimh, nangmah nih, ‘Bawipa min in a rami cu a cungah thluachuahnak um ko seh,’ na ti caan a phak hlan cu na ka hmu ti lai lo,” tiah a ti.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

EFESA 1:12

Cucaah Khrih chung i ruahchannak a bunh hmasa bik pawl kannih nih hin Pathian sunparnak cu thangṭhat ko u sih.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

KOLOSE 1:20

Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.