LUKA 19:10 - Lai (Hakha) Common Language Bible 2006

¹⁰ Zeicahtiah Mi Fapa cu a tlaumi kawl awk le khamh awkah a ra,” tiah a ti.

Laibaibal Thiang (BSI)

¹⁰ zeitintiah Mi Fapa hi a tlaumi kawl i khamh dingah a ra,” tiah a ti.

LUKA 19:10 ပူးပေါင်းရင်းမြစ်များ

EZEKIEL 34:12

Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuachiat le khuadawm ni zongah siseh, khuazeihmanh ah i ṭhek hna ai kun, an i ṭheknak hmun paoh khan ka chuahpi hna lai.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

MATTHAI 1:21

Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

MATTHAI 10:6

Israel miphun chungin a tlaumi tuu hna sinah khan va kal u.

MATTHAI 15:24

Cun Jesuh nih cun a vun leh i, “Israel mi lak i a tlaumi tuu hna sin lawngah pei thlah ka si ko cu,” tiah a ti.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 18:11

Mi Fapa cu a tlaumi khamh awkah ka ra.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 15:8

“Asiloah, tangka phar hra a ngeiminu nih pakhat kha a thlau ahcun zeidah a tuah? Meiinn a van i pei a inn kha a phiah i a hmuh hlan tiang a ken le a kawi zong kha a kawl cikcek cu.

JOHAN 3:17

Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu.

ROM 5:6

Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.