LUKA 18:31 - Lai (Hakha) Common Language Bible 2006

³¹ Jesuh nih zultu pahleihnih kha a dang tein a kalpi hna i, “Ngai hmanh u, Jerusalem ah kan kal lai i khika ah profet hna nih Mi Fapa kong an ṭialmi paohpaoh kha a tling dih lai.

Laibaibal Thiang (BSI)

³¹ Cuticun hleihnih hna cu a dangte in a hruai hna i an sinah, “Ngaihmanh u, Jerusalem ah kan kal lai, Mi fapa kong i profet hna ṭialmi vialte kha a tling dih lai.

LUKA 18:31 ပူးပေါင်းရင်းမြစ်များ

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

MATTHAI 27:63

“Bawipa, hi milihchim pa nih hin a nun lioah, ‘Ni thum hnuah thawhter ka si ṭhan lai,’ a rak ti kha kan hngalh.

MARKA 8:9

Cun a zultu hna nih khan a ṭiltlawt sei sarih an char. Jesuh nih mizapi cu a kalter hna i

LUKA 10:30

Jesuh nih cun a leh i, “Voi khat cu mipa pakhat kha Jerusalem in Jeriko khua leiah a vung kal: Cu a vung kal lioah cun damiah nih an rak tlaih i a puan an phoih i an tuk i thilo nunglo in an kaltak.

LUKA 9:22

“Mi Fapa nih hin temhinnak tampi ka in hrimhrim lai; upa hna le tlangbawi upa hna le Phungbia cawnpiaktu saya hna nih an ka hlawt lai. An ka thah lai i ni thumnak ni ah thawhter ka si ṭhan lai,” tiah a chimh hna.

LUKA 9:51

Jesuh cu vancung i laknak caan kha a nai cuahmah tikah a lung aa thlek i Jerusalem khua lei kal awkah khan aa thawh.