LUKA 18:22 - Lai (Hakha) Common Language Bible 2006

²² Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

Laibaibal Thiang (BSI)

²² Jesuh nih cucu a theih i a sinah, “Lamkhat na bau. Na ngeih vialte zuar law, mi sifak phaw hna, cuticun vanah ro na ngei lai, cun ra law, ka zul,” tiah a ti.

LUKA 18:22 ပူးပေါင်းရင်းမြစ်များ

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

MATTHAI 19:21

Jesuh nih cun a thawh i, “Mi tling si na duh ahcun, va kal law na ngeihmi thil vialte kha va zuar hna; cun tangka na hmuhmi cu misifak kha va pe hna; cuticun vancung khua ah chawva na ngei lai, cun ra law rak ka zul,” tiah a ti.

LUKA 10:42

sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 16:9

Cun Jesuh nih cun, “Cucaah hitin kan chimh hna: vawlei cung chawva in hawikom i ser hna u, zeicahtiah chawva cu a dih tikah zungzal inn ah an umter hna lai.

LUKA 18:21

Mipa nih cun aa thawh i, “Hi nawlbia vialte hi cu ka ngakchiat tein ka zulh lengmang cang hna,” tiah a ti.

LUKA 18:23

Sihmanhsehlaw hi bia cu mipa nih khan a theih tikah a ngaih a chia ngaingai, zeicahtiah amah cu mirum ngaingai a si.

LUKA 9:23

Cun annih cu an dihlak in a thawh hna i: “Ahohmanh nih zulh nan ka duh ahcun mah zawnruahnak kha nan ngol lai i ni fa tein nan vailam kha nan i put lai i nan ka zulh lai.

FILIPI 3:13

Ka u le ka nau hna, cu thil cu ka phan cang tiah ka ruat hrimhrim lo; sihmanhsehlaw thil pakhat ka tuahmi cu, hnulei thil kha philh i hmailei thil banh i zuam kha a si.

2 PETER 3:8

Sihmanhsehlaw ka dawtmi ka hawile hna, hi bia hi philh hlah u. Pathian caah cun ni khat hi kum thong khat bantuk a si i kum thong khat hi ni khat bantuk a si.