LUKA 18:13 - Lai (Hakha) Common Language Bible 2006

¹³ Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

Laibaibal Thiang (BSI)

¹³ Cun ngunkhuai khawltu cu hla pi ah a dir i van lei zong a zoh ngam lo, ‘Pathian, kei misual hi ka zângfah ko,’ tiah a ṭâng â cum leng mang.

LUKA 18:13 ပူးပေါင်းရင်းမြစ်များ

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

2 CHANRELNAK 33:23

A pa Manasseh nih a lung a ṭhumh bangkhan Bawipa hmaiah a lung a ṭhum lo i hi Amon nih hin cun mawhnak kha tam chin lengmang a tuah.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

SALM 106:6

Kan pupa hna an rak sual bantuk khan kannih zong kan sual ve, palhnak kha kan tuah ve i ṭhat lonak kha kan tuah ve.

SALM 119:41

Zeitluk in dah na ka dawt kha ka hmuhsak law bia na ka kamh bang khan ka khamh tuah, Maw ka Bawipa.

SALM 130:7

Bawipa cu a dawtnak kha a fek i mi tlanh kha a duh zungzalmi a si caah, Maw Israel, amah cu i bochan ko.

SALM 25:11

Maw Bawipa, ka sualnak cu zeitluk hmanh in ngan seh law, na min ruangah ka ngaithiam ko.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

SALM 40:12

Harnak tam tuk nih an ka dum — a rel in rel cawk an si lo. Ka sualnak nih a ka phak cang i khua ka hmu kho ti lo; ka lu cung sam nakin ka sualnak cu an tam deuh, ka lung ṭhawnnak a dih cang.

SALM 41:4

“Nangmah cungah ka sual cang, Bawipa; ka zaangfah law ka damter ko,” ka ti.

EXODUS 33:10

Thlam kaa ah mi vialte nih minmei tom cu an hmuh tikah an dir i an thlam kaa cio khan an kun.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

MATTHAI 10:3

Filip le Bartholomew; Thomas le ngunkhuai khawltu Matthai, Alfeas fapa Jeim, cun Tadias;

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

MARKA 11:25

Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga,” tiah a ti.

LUKA 17:12

Khua pakhat chungah hin a va lut i cuka ah cun thinghmuimi pahra an rak um i cu hna nih cun an rak ton. Lamhlatpi khin an dir i,

LUKA 22:41

Cun an sin khan lungchep tluk a va kal i a khuk aa bil i thla a cam.

LUKA 23:48

Cu thil va zoh awkah cuka i aa pummi hna nih thil umtuning kha an hmuh tikah an ṭang i cum lengmang in inn ah an ṭin.

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

2 KORIN 7:11

Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

HEBRU 8:12

An palhnak cu ka zaangfah hna lai i an sualnak cu ka hngal camcin ti lai lo,” tiah a ti.