LUKA 17:3 - Lai (Hakha) Common Language Bible 2006

³ I ralring ko u. “Na unau nih a sual ahcun va mawhchiat, aa ngaihchih ahcun va ngaithiam.

Laibaibal Thiang (BSI)

³ I ralring u, na unau nih na cungah sualnâk a tuah ahcun, chimhring, â ngaihchih ahcun, ngaithiam.

LUKA 17:3 ပူးပေါင်းရင်းမြစ်များ

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

PHUNGTHLÛKBIA 17:10

Mihrut voi za khat tuk nakin, mifim voi khat chimhhrin cu thuk deuh a pil.

PHUNGTHLÛKBIA 27:5

Thuhmi dawtnak nakin lenglang sik a ṭha deuh.

PHUNGTHLÛKBIA 9:8

Miruamkai cu nun chim hlah, an huat sual lai, mifim cu nun chim law an dawt lai.

LEVITIKAS 19:17

“Na unau cu na lungchung in na hua lai lo, sihmanhsehlaw na innpa cu na chimhhrin lai, amah ruangah sualnak na ing sual lai.

MATTHAI 18:21

Cun Peter cu Jesuh sinah khan a ra i, “Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

DEUTERONOMI 4:15

“Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

JEIM 5:19

Ka u le na nau hna, pakhatkhat biatak in nan tlau sual i a dang pakhatkhat nih nan kirpi ṭhan tikah,

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.