LUKA 17:27 - Lai (Hakha) Common Language Bible 2006

²⁷ Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i ṭhi an i um ko.

Laibaibal Thiang (BSI)

²⁷ Noa lawng i a luh i tilian a rak tlun i an dihlak i a khuh dih hna ni kha a phâk hlan tiangin, an ei, an ding i nupi pasal an i ngei.

LUKA 17:27 ပူးပေါင်းရင်းမြစ်များ

GENESIS 7:23

Bawipa nih vawlei cung i a ummi thilnung vialte cu a thah dih hna, cu hna lakah cun minung zong an i tel, saṭil zong an i tel, saram hna phun zong an i tel, va zong an i tel. Hrawh lomi cu Noah le a sin i lawng chung i a ummi lawnglawng kha an si.

GENESIS 7:7

Amah le a nupi, a fapale hna le an nupile hna cu buanchukcho in luat awkah lawng chungah cun an lut.

ISAIAH 21:4

Ka lung a mit, ka ṭih tuk ah a ther in ka ther. Zanlei cu phan cang ko seh ti ka duh hringhran, sihmanhsehlaw zei dang um loin thlalaunak lawnglawng a ka phorh.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

MATTHAI 22:30

Mithi cu nunter ṭhan an si tikah vancungmi bantuk an si lai i an i ṭhi in an i um ti lai lo.

LUKA 17:26

Noah chan ah a rak si bantuk khan Mi Fapa chan zongah a si ve lai.

LUKA 17:28

Lot chan i a rak si bantuk khan a si ve lai. An ei, an ding, an i caw an i zuarh, thlaici an cing, inn an sa.

1 SAMUEL 30:16

Cun amah nih a vun kalpi tikah khan, zohhmanh, Filistin mi ram le Judah ram in hranchaw kha tampi an lak caah a kenkip ah an rak i ṭhek dih i an rak ei, an rak ding, an rak lam len ko.