LUKA 17:20 - Lai (Hakha) Common Language Bible 2006

²⁰ Farasi mi a cheu nih Jesuh cu, zeitik ah dah Pathian Pennak cu a tlun lai, tiah an hal. Anih nih a leh hna i, “Pathian Pennak cu hmuh awkin a ra lo.

Laibaibal Thiang (BSI)

²⁰ Farasih hna nih Pathian pennâk a phanh lainâk kong an halmi kha a leh hna i an sinah, “Pathian Pennâk cu hmuhkhawh i a phân ding a si lo.

LUKA 17:20 ပူးပေါင်းရင်းမြစ်များ

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

LUKA 10:11

‘Kan ke i aa behmi nan khua chung leidip hmanh hi kan in thinhnawh tak hna; sihmanhsehlaw hi tu hi cu run philh hlah u: Pathian Pennak nan pawngte a phan cang hih,’ nan ti hna lai.

LUKA 14:1

Voi khat cu Sabbath ni ah hin Jesuh cu Farasi mi hna lak i haotu pakhat inn ah rawl a hrawng i mi nih khan fel tein an ngiat.

LUKA 16:16

“Moses Phungbia le profet ṭialmi ca hna cu Tipil petu Johan chan tiang caah khan an si; cu ri cun Pathian Pennak Thawngṭha cu chim a si i a mi kip cu heh tiah an lut.

LUKA 19:11

Hi bia a chimmi a theimi hna sinah khan hi tahchunhnak bia hi a chim. Jerusalem khua kha a hei phanh dengmang cang caah Pathian Pennak kha a lang hnik lengmang cang tiah an ruah.

JOHAN 18:36

Jesuh nih cun, “Kei ka pennak cu hi vawlei ta hi a si lo; ka pennak cu hi vawlei ta hi rak si seh law cu, Judah mi nih an ka tlaih khawh nakhnga lo, ka zultu hna hi heh tiah an cawl ve hnga. Kei ka pennak cu hi vawlei ta hi a si lo,” tiah a ti.