LUKA 17:12 - Lai (Hakha) Common Language Bible 2006

¹² Khua pakhat chungah hin a va lut i cuka ah cun thinghmuimi pahra an rak um i cu hna nih cun an rak ton. Lamhlatpi khin an dir i,

Laibaibal Thiang (BSI)

¹² Khua pakhat i a luh lai ah, thinghmuimi pahra hna nih an rak ton i hlapi ah an dir.

LUKA 17:12 ပူးပေါင်းရင်းမြစ်များ

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

EXODUS 4:7

Bawipa nih cun, “Na kut cu na angki leng chungah khan vun nawk ṭhan tuah,” a ti. A vun nawh ṭhan i a hun chuah tikah, a tak dang bantuk khan dam hirhiar tein a um ṭhan.

NAMBAR 12:14

Sihmanhsehlaw Bawipa nih Moses sinah cun, “A pa nih a hmaiah a cil chak seh law, cu hmanh ah cun ni sarih chung cu ningzak in a um lai lo mei? Amah cu riahhmun lengah ni sarih chuah si seh law, cu hnuah cun luhter a si ṭhan te lai,” tiah a ti.

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

LUKA 5:12

Voi khat cu khua pakhat ah hin Jesuh cu a um i cuka ah cun thinghmui zawtnak nih a tuam in a tuammipa pakhat a rak um. Jesuh kha a hmuh tikah a hmaiah khan a bawk i, “Bawipa, na duh ahcun na ka thianter khawh,” tiah a nawl.