LUKA 16:8 - Lai (Hakha) Common Language Bible 2006

⁸ Cu thil zohkhenhtu mihrokhrawlpa cu a bawipa nih khan cu bantukin fim ngaiin thil a ti caah a thangṭhat; zeicahtiah hi vawlei cung mi hna hi an thil tining ah ceunak mi hna nakin an fim deuh,” tiah a ti.

Laibaibal Thiang (BSI)

⁸ Cuticun apu nih a ding lomi chawkengtu remruat thiamning kha a thangṭhat. Vawlei fale hna hi tu chan thil umtuning ah ceunâk fale nâkin an fim deuh, tiah a ti.

LUKA 16:8 ပူးပေါင်းရင်းမြစ်များ

GENESIS 3:1

Bawipa Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

2 SAMUEL 13:3

Sihmanhsehlaw Amnon nih cun hawi pakhat a ngei i a min cu Jonadab a si, amah cu David u Shimeah fapa a si i Jonadab cu mizer ngai a si.

2 SIANGPAHRANG 10:19

Cucaah Baal profet vialte le a biatu vialte le a tlangbawi vialte hna kha ka sinah ko hna u; pakhat hmanh bau hna hlah seh, zeitintiah Baal sin i pekchanh awk raithawinak nganpi pakhat ka ngei; a baumi paoh cu an nung lai lo,” tiah a ti. Sihmanhsehlaw Jehu nih hlennak in a tuahmi a si, Baal a biami hna hrawhnak caah khan.

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

EXODUS 1:10

An tam chin lengmang ti nakhnga lo an cungah fim ngaiin kan ṭuan a hau lai. Ral a thawh sual ahcun kan ral hna sin tu ah khan an i ṭawm lai i kanmah kha an kan doh lai i kan ram hin an chuak lai,” a ti hna.

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

MATTHAI 12:32

Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

MATTHAI 17:26

Peter nih cun, “Ramdangmi nih ta,” tiah a leh. Cun Jesuh nih, “A ṭha ko, cu ti a si ahcun ramchungmi nih cun pek a herh lo.

LUKA 16:10

Thil hmete ah zumhawktlak a simi cu thil ngan zongah zumhawktlak an si tawn, thil hmete ah a hrokhrawlmi cu thil ngan zongah an hrokhrawl tawn.

LUKA 16:4

A! Atu cu zeidah ka tuah lai ti kha ka hngalh cang! Cu ti ka tuah ahcun ka rian a dih tikah an inn ah a ka umter duhtu hawikom ka ngei hna lai,’ a ti.

LUKA 16:7

A dang pakhat cu, ‘Nang tah zeizat dah na bat?’ tiah a ti. ‘Changvut rel thong khat,’ tiah a leh. ‘Hihi na cazin siseh, za riat in ṭial,’ tiah a ti.

LUKA 18:6

Cun Bawipa nih cun a peh ṭhan i, “A ding lomi biaceihtu bawi nih a chimmi cu nan theih cang.

LUKA 20:34

Jesuh nih a leh hna i, “Tu chan mi hna hi cu an i ṭhi i an i um;

LUKA 20:35

sihmanhsehlaw thihnak in thawh ṭhanter awktlak a simi hna le a ra lai dingmi chan i um awkah aa tlakmi hna cu an i ṭhi an i um lo.

JOHAN 12:36

Ceunak nan ngeih lioah cun ceunak cu i bochan ko u, ceunak mi nan si khawh nakhnga,” tiah a leh hna. Cu bia a chim dih in Jesuh cu lodiam in a kal i a va thup.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1THESALON 5:5

Nannih cu nan dihlak in ceunak mi nan si, chun mi nan si, zan mi kan si lo, muihnak mi zong kan si lo.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.