LUKA 16:29 - Lai (Hakha) Common Language Bible 2006

²⁹ Abraham nih cun aa thawh i, “Na unau hna ralrinnak petu dingah cun Moses le profet hna an um ko ṭung; an chimmi kha na unau hna nih cun ngai ko hna ngat seh,” tiah a ti.

Laibaibal Thiang (BSI)

²⁹ Abraham nih, “Moses le Profet an ngei ko hna, an bia ngai ko hna seh,” tiah a ti.

LUKA 16:29 ပူးပေါင်းရင်းမြစ်များ

ISAIAH 34:16

Thilnung kong ṭialnak Bawipa cauk chungah khan kawl tuah u law zeidah a chim ti kha rel tuah u. Hi thilnung vialte hna hi pakhat hmanh a baumi an um lai lo i pakhat hmanh keptu ngei lo zong an um lai lo. Cu bantukin si seh tiah Bawipa nih a ti i amah hrimhrim nih hmunkhat ah cun a umter hna lai.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

LUKA 16:16

“Moses Phungbia le profet ṭialmi ca hna cu Tipil petu Johan chan tiang caah khan an si; cu ri cun Pathian Pennak Thawngṭha cu chim a si i a mi kip cu heh tiah an lut.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 4:17

profet Isaiah cazual kha an pek. Cazual cu a vun samh i,

LAMKALTU 15:21

Zeitintiah Moses Nawlbia kha Sabbath ni fate pumhnak inn kip ah caan saupi rel lengmang a si ko cang i khua kip ah a bia kha chim a si ko cang,” tiah a ti.

GALATI 4:21

Nawlbia tang i um a duhmi kha, hi bia hi in hal hnik hna ning: Nawlbia nih a chimmi kha nan thei lo dahra?