LUKA 16:25 - Lai (Hakha) Common Language Bible 2006

²⁵ Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.

Laibaibal Thiang (BSI)

²⁵ Sihmanhsehlaw Abraham nih, ‘Ka fapa na nunlio ah khan thilṭha vialte na co i Lazaruh nih thilṭha lo vialte a co kha philh hlah, asinain atu cu hika ah hnangam tein anih cu a um i nang cu harnâk natuar a si kha.

LUKA 16:25 ပူးပေါင်းရင်းမြစ်များ

JOB 22:18

Asinain, an inn hna cu thil ṭhaṭha in a khahtertu cu amah a si Annih i an i tinhmi le anih i aa tinhmi cu an i dang ngaingai.

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

SALM 49:11

Thlan cu zungzal in an umnak ding hmun a si ko lai i cuka ah cun a zungzal in an um ko lai. Hmun le ram kha an rak ngei ko lai nain an chaw le an va cu midang sin i an kaltak a hau ṭhiamṭhiam ko lai.

SALM 73:7

An mit pawt lellul pipi in an um i an lungthin cu ṭhat lonak khuaruahnak in a khat.

ṬAHNAK HLA 1:7

Jerusalem nih hremnak a in lio caan le a vahvaih lio caan kha a hngalh camcin ko, A mi hna cu an ral kut chungah an tlak i Annih bawmtu ahohmanh an um lo lio caan kha, a philh kho lo. A ral nih cun a hmuh i a ṭumchuknak kha diriam in a nihsawh.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

MATTHAI 27:63

“Bawipa, hi milihchim pa nih hin a nun lioah, ‘Ni thum hnuah thawhter ka si ṭhan lai,’ a rak ti kha kan hngalh.

MARKA 9:45

Cun nan ke nih an pialter hna ahcun, tan ko u! Ke pahnih he hell chung i tlak nakin ke loin nunnak chung i luh kha nan caah a ṭha deuh.

LUKA 16:20

Cun misifak pakhat, a min Lazaruh an timi zong kha a um ve i hma nih a pumpuluk in a tlunh.

LUKA 16:23

Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

LUKA 16:26

Cu pinah; kan karlak ah horkuang thukpi a um i cucaah hikalei in nangmah leiah tan a duhmi nih khan an tan kho lo i cu bantuk ṭhiamṭhiam in nangmah lei in kanmah leiah rat a duhmi zong an ra kho ve lo,” tiah a ti.

LUKA 6:24

“Sihmanhsehlaw nannih atu i a rummi, nan caah cun ngaihchia a va si dah! Nan nun nuamhnak kha nan hmuh cang.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

DEUTERONOMI 28:17

Nan bawm le nan chang nennak kheng hna cu chiat an tong lai.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1THESALON 3:3

Nan cung i a tlungmi hremnak nan in mi ruangah hin ahohmanh nan i letnak hnga lo nanmah cu thazang pek awkah le nan zumhnak ah fek tein nan dir khawh nakhnga nanmah bawmh awkah amah cu kan hun thlah. Kha bantuk hremnak kha Pathian nih nan cungah tlung seh a timi a si ve ko ti kha nanmah hrimhrim nih nan hngalh.

HEBRU 11:25

Sualnak chung i caan tawite chung i nuamh nakin Pathian mi hna sin sifah in kha aa thim deuh.

1JOHAN 2:15

Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.